232 CAMERACEN.

et octo abhinc mensibus vitam ducere maritalem cum mea consobrina vidua. Morum pravitatem Desiderati Lemort co- gnitam esse ac notam confitetur ipse illius causae defensor in foro ecclesiastico, Iosephus Gervais. Et tamen testes iu- rati unanimiter ad quaesitum: responderunt: Desideratum Lemort esse virum commendabilem genere vitae atque mo- ribus. - Potestne illis fidem haberi et in aliis? - Ultimo animadverto 5. : Cur Maria Dennequin non vult se subiicere inspectioni medicorum vel obstetricum? Res est quae maxi- mam suspicionem ingerit. - Num pudore ducta? Audivimus parochum eius quid retulerit de ea. - An non vult confiteri se esse impotentem? Sed ipsa hoc iuridice confessa est. Num renuit valedicere matrimonio cum Lemort? Parochum eius testantem vidimus, ipsam esse paratissimam alias nuptias inire. Non alia videtur esse causa eam nolle comparere, nisi spes solutionis huius matrimonii, quae spes fortasse frustra- retur si res, ut est, cognita esset.

Quae quum ita se habeant, ad propositum dubium: « An constet de inconsummatione matrimonii in casu » responden- dum puto: « Negative, » sin minus: « Dilata et compleantur acta processus ».

ANIMADVERSIONES DEFENSORIS MATRIMONII EX OFFICIO. Ad

ea, quae de matrimonio inter Desideratum Lemort et Mariam Dennequin die 8 Novembri 1886 inito docte disputant lectis- simi consultores, theologus et canonista, quidquam adiicere supervacaneum censeo.

Eapropter, haud interiecta mora, submisse postulo ad pri- mum ex propositis dubiis rescribi « sententiam esse confir- mandam »; ad alterum vero, « negative ».

Quibus animadversis, proposita fuerunt diluenda

Dubia

I. An sententia iudicis delegati ab Archiepiscopo Came- racensi diei 9 Martii 1891 sit confirmanda vel infirmanda in casu.

Et quatenus confirmanda