S. IOSEPH DE COSTARICA 237

FACULTAS INDULGENDA VIDETUR. Contra tamen prae oculis habendae videntur peculiares locorum et temporum circum- stantiae quae revera, teste Episcopo, in paroeciis populo fre- quentibus plures a sacri auditione diebus festis arcent. Scimus autem ex Instructione S. C. Christiano nomini propagando, anno 1832, Episcopo Nicopolitano in Bulgaria data « Sedem Apostolicam dictam facultatem (binandi) concedere in bonum spirituale fidelium, desiderio ut omnes praeceptum ecclesia- sticum adimplere facile possint. » Quod si Benedictus XIV in sua cit. Const. duplicem tantum binationis causam expressit, admittunt tamen Doctores dari etiam causas aequipollentes, horumque sententiam et S. C. C. non una tantum vice in sua praxi ratam habuit ac confirmavit.

Tandem in casu perpendendum est facultatem iterationis missae postulari ab Episcopo, qui prae ceteris populi neces- sitatem agnoscit, et cui proinde in hisce rebus S. C. merito plurimum deferre solet. Ceterum haud obstat quod et iam duplex adsit missa in unaquaque paroecia et ibidem non unicus extet presbyter : siquidem agitur de paroeciis, quorum populus a 5000 ad 18000 pertingit, ac idcirco impossibile plerumque foret ut duplici missae integer assisteret. Quae etiam ultro admisit S. C. in Castellaneten. diei 5Martii elapsi anni , cum in paroecia 5000 fidelium frequenti facultatem binandi pro quarta missa concessit (1).

Quibus praenotatis, quaesitum fuit quid esset precibus respondendum.

RESOLUTIO. Sacra Congr. Concilii revisa sub die die 6 Maii 1893 censuit respondere: Pro gratia ut in praefatis paroeciis, ubi duo tantum adsint Sacerdotes, alteruter bi- nare possit ad decennium, excluso tamen quocumque in casu, ut quisque e Sacerdotibus tertiam missam celebrare possit.

(1) Relata fuit Vol. XXIV, 734.