SYPONTINA SEU CONFRATERNITATIS ETC. 239

prohibitionem sibi arrogent ius associandi cadavera defuncto- rum Confratrum sub propria cruce et nullimode dependere velint ab Archiepiscopi auctoritate: et adducit exemplum funebris associationis cuiusdam defunctae matris unius ex tertiariis, nam ad eius funera die 16 Martii 1892 celebrata, non obstante Ordinarii oppositione, Congregatio Tertii Or- dinis cum cruce, nonnullis ex sodalibus cum habitu Sodalitii comitantibus, publice interfuit atque in coemeterio absolutio- nem ad tumulum, quovis absente sacerdote, impertiri ausa est. Exinde factum est ut die sequenti Archiepiscopus, au- ctoritate sua ordinaria et etiam qua Delegatus apostolicus, ad coercendam Sodalium Tertii Ordinis temeritatem in Ecclesia S. Mariae Gratiarum qualecumque ecclesiasticum officium in- terdixit , quod tamen interdictum ; paulo post interventu R. P. Romualdi a Casalnuovo, Ministri Provincialis Ordinis Min. Obser. Delegati cessavit, atque a die 25 Martii cele- brationem missae in praefata Ecclesia Ordinarius permisit.

E contra Procurator Generalis Ordinis Minor. Observ. cui ìiterae Archiepiscopi recurrentis ablegatae fuerant, in suo voto nonnullis circumstantiis facti enarratis, alia ratione ac ab Archiepiscopo recurrente, sustinet praefato Sodalitio competere ius, elevata cruce, associandi cadavera confratrum ad coemeterium et praecedendi aliis Sodalitiis seu Confrater- tatibus ; quoad dependentiam vero ipsum subiici non Archie- piscopo, sed Superioribus Ordinis Franciscani in eo quod spe- ctat ad vestitionem, professionem, visitationem et regimen internum Associationis : hinc discussio trium infrascriptorum dubiorum.

Disceptat io Synopt ica

IURA SODALIUM TERTII ORDINIS. - Procurator generalis, praemisso quod canonica erectio Sodalitii eruitur ex decreto P. Donati del Vecchio sub die 30 Iulii 1884, quo Associatio fundata fuit, contendit, controversiam quoad Sodales Tertii Ordinis associandi cadavera Confratrum ad coemeterium, iam