242 SYPONTIN A SEU CONFRATERNITATIS ETC.

runt, et ceterarum Confraternitatum Sodales, sicuti omnes veri nominis catholici, obedientiam praestabunt.

Tandem quoad dependentiam Tertiariorum Procurator ge- neralis libenter admittit eos subiici debere iurisdictioni Or- dinarii vel parochi. Tertiarii enim sicuti caeteri fideles Or- dinariis subiacent, sed non in omnibus uti vellet Archiepi- scopus. Si enim agatur de regimine et visitatione Congrega- tionis Tertii Ordinis, in contrarium extat ipsamet Tertii Ordinis ratio et natura. Hinc in supra citata Constitut. Misericors Dei Filius quod spectat ad vestitionem et profes- sionem, ad Congregationis regimen et visitationem regularem, haec omnia asseritur pertinere non ad locorum Ordinarios sed ad Superiores Ordinis. « Visitatores - ibi - ex primo Fran- ciscali Ordine vel ex Ordine Tertio Regulari legantur » Cap. III § 3; et inferius § 6, loquendo de dispensatione vel commu- tatione praescriptionum regulae « Cuius rei Praefectis Or- dinariis Franciscalium et primi Ordinis et Tertii item et Visitatoribus supradictis facultas potestasque sit ». Et id P. Procurator confirmari, ait, etiam ex literis Emi Cardinalis a Secretis Status sub die 22 Septembris datis ad omnes Ita- liae Episcopos, qui loquens de potestate regendi Tertiarios ita sese exprimit: « Ordinaria f acuitas penes varias Francisca- lium familias extat: ast tibi Franciscalium Conventus de- sunt, Rme Domine recurre ad Ministros Provinciales vel Generales Ordinis, ut huiusmodi necessitati prospiciant, sive aliquem religiosum ad ecclesias parochiales mittendo ut inibi fideles, si quid desiderant, ad Tertium Ordinem reci- piant, vel ipsosmet parochos delegando, eisque opportunas facultates communicando ». Quibus enucleatis P. Procurator, quoad iuris quaestionem ab Archiepiscopo propositam, rogat, ut responsum detur: In decisis et amplius. Si quae autem difficultates in futurum iterum oriantur easdem cum Ministro provinciali ex bono et aequo componere conetur, salvis sem- per iuribus cuique assignatis.

QUAE MILITANT CONTRA SODALES TERTII ORDINIS.- E X altera vero parte Archiepiscopus refutatis nonnullis insinuationibus