SYPONTINA SEU CONFRATERNITATIS ETC. 243

P. Procuratoris, expendens decretum erectionis Sodalitii T. O. factae a P. Donato del Vecchio, quod Sodales praetendunt Romae obtentum, dum in civitate Sypontina datum est, ipsum reiicit ceu non genuinum, uti aperte desumi potest ex ac- curata analysi logica et grammaticali ipsius. Sed sit etiam genuinum : Sodalitii erectio traduci non poterit canonica et valida utpote facta a P. Del Vecchio, non uti Visitatore aut Delegato Ordinis, quod profecto necessarium fuisset, sed sim- pliciter uti Rectore memoratae ecclesiae Gratiarum, quem titulum habet ab auctoritate civili et non ab Ordine. Impu- gnato autem decreto erectionis Sodalitii, supervacaneum dicit disputare de eius iuribus et privilegiis.

Deinde pergit Archiepiscopus, cum Associatio T. O. iuxta P. Procuratorem sit verus Ordo religiosus distinctus ab alia quacumque laica Congregatione, Confratres ipsius modestiam et relativam paupertatem quoad exequias et expositionem ca- daverum aggregatorum praeseferre deberent. Atqui Sodales Tertiarii Sypontini nullimode hoc praescriptum servant, si- quidem functiones fúnebres in ipsorum Ecclesia magna pompa peraguntur, et tumulus splendide decoratur. Iuxta P. Pro- curatorem, ut Sodales fruantur privilegiis in exequiis et as- sociatione funerum debent incedere proprio habitu induti et associatio fieri debet sine pompa et recto tramite : atqui haec omnia non sunt servata in funebri associatione 16 Martii 1892, superius in specie relata : nonnulli enim tantum Sodales ad- erant in habitu Tertiarii , dum, plerique inter quos etiam aliqui non adscripti, in habitu laico incedebant, et funebris processio non sine pompa, sed musico concentu, non recto tramite, sed totam civitatem percurrens locum habuit. Quae cum ita se habeant, deducit Archiepiscopus, intelligi nequit, quomodo allata iura et theoriae P. Procuratoris concordari valeant cum ratione agendi Confratrum T. O. Sypontini.

Sed hisce omissis, Archiepiscopus, admittendo cum P . P r o - curatore quod in abstracto et in potentia dari possint certa iura et privilegia, quae tamen in actu ob speciales circum- stantias exerceri nequeunt, observat quod ante Constitutio-