244 SYPONTINA SEU CONFRATERNITATIS ETC.

nes regnantis Pontificis plures Tertii Ordinis Associationes existebant fundatae in ecclesiis Franciscanorum, qui eas mo- derabantur; hae recognitae etiam ab auctoritate civili frue- bantur iuribus et privilegiis Regularium, et in vim Regulae obligati erant ad cadavera associanda cum relativo iure ele- vandi crucem propriam: at non ita censeri potest de novis T .O. Associationibus, post relatas Constitutiones exortis: hae praeterquam quod recognitae non sunt a potestate laica, non reguntur a Regularium familiis quoad Confratrum adscriptio- nes et Regulae observantiam; hinc licet in potentia dici possint participes iurium et privilegiorum Regularium, ta- men in actu seu quoad exercitium ipsorum iurium, Archie- piscopus putat tria prae oculis potissimum habenda esse: I o . Generatim Regulam pro Tertio Ordine saeculari appro- batam ; 2°. Institutionem uniuscuiusque Associationis ; 3°. Quo- cumque in casu consensum Ordinarii dioecesani.

Age vero, subdit Archiepiscopus, in § 14 Regulae statu- tae a Constit. Misericors Dei Filius 30 Maii 1883 pro novis Congregationibus Tertii Ordinis quoad funera Confratrum defunctorum habetur: « Funeribus Confratrum defunctorum, Tertiarii loci et advenae, si inibi sint, se congregent et uni- tim recitent tertiam Rosarii partem in suffragium defuncti. Sacerdotes in missae litatione et laici, si possint, accedendo ad s. synaxim, defuncto C on f r atri pacem sempiternam ex- orent ». Hinc ex Regulae praescriptione quoad funera argui nequit assertum ius associandi cadavera defunctorum ad coe- meterium: neque pariter deduci potest ex modo quo associa- tio Tertii Ordinis instituta est. Siquidem P. Donatus Dei Vecchio eam instituit tantummodo ad exercenda opera spiri- tualia et pro exercitio cultus religiosi in Ecclesia : de recla- mato iure associandi Cadavera Confratrum ne vola quidem, ipso Del Vecchio vivente: quin imo, ipso demortuo, ipsius cadaver ad coemeterium translatum fuit non a Congregatione Tertii Ordinis, sed ab aliis Sodalitatibus. Si igitur obligatio .associandi Cadavera ad coemeterium quoad Tertiarios Eccle- siae B. Mariae Virginis Gratiarum in civitate Sypontina de-