SYPONTINA SEU CONFRATERNITATIS ETC. 245

rivari nequit, neque ex Regulae praescriptione, neque ratione Institutionis, sed est res merae facultatis, iure merito, con- cludit Archiepiscopus, pro huius faculatis exercitio necessa- rius est consensus Ordinarii dioecesani : idque non solum ad praecavenda iurgia et lites inter Tertiarios et alias Confra- ternitates, quae utpote habent statuta ab auctoritate civili recognita arrogant sibi praecedentiam supra alias associatio- nes, sed etiam ad servandum in debita obedientia Confratres Tertiarios et ad refraenandum independentiae spiritum, prae- sertim post ipsorum apertam rebellionem auctoritati Archie- piscopali: et rem confirmat exemplo vicini Episcopi, qui cui- dam Associationi T. O., in sua dioecesi existenti, denegavit licentiam elevandi crucem et egrediendi extra ecclesiam, praecise ob rationes ordinis moralis nonnullorum Confratrum.

Denique Archiepiscopus relate ad totalem dependentiam quoad correctionem, visitationem et regimen Tertiariorum a Superiore regulari cum plena exemptione ab auctoritate Ordinarii invocata a P. Procuratore pro associationibus Tertii Ordinis, observat quod deficientibus Religiosis, qui sua prae- sentia respondeant de ordine et disciplina Tertiariorum, tum coram Ordinario, tum coram Ordine Regulari, impossibile est eumdem effectum obtineri posse per Directorem spiritualem sacerdotem saecularem Delegatum et dependentem ab Ordine regulari. Huius enim Superior cum longe absit a civitate Sypontina nullam vigilantiam et curam exercere valet supra Tertiarios, qui se iactant tamquam dominos in eorum ec- clesia, quamcumque legitimam auctoritatem respuunt, et eo- rum Directorem habent ceu stipendio conductum et omnino ab ipsis dependentem uti abunde experientia constat. Ad ar- cenda igitur haec incommoda nulla alia suppetit ratio, iuxta Archiepiscopum, nisi ut decernatur plena Tertiariorum de- pendentia ab auctoritate ipsius.

Hisce utrimque cribratis, examini EE . P P . subiecta sunt sequentia