S. FLORI SEU PARISIEN. 249

et compensationem damnorum. Id in iure certissimum. Sed in themate dubium versari circa existentiam onerosi contra- ctus inter Dominum Serrauste et Fratres S. Vincentii de Paulo. Quod dubium summoveri posset ex eo, quod fundator Orphanotrophii abbas Serrauste id cathegorice affirmat: qui sacerdos cum sit incapax mentiendi, ipsis adversariis consen- tientibus, eius assertionibus credendum omnino est.

Sed seposita etiam existentia contractus onerosi, iuxta Consultorem, Fratres cogi possent ad restitutionem et resar- cienda damna ceu iniusti damnificatores. Fratres enim, cum Iustituti administratio male verteret, pluries ab Abbate Ser- rauste edocti sunt, ut pium opus non destruerent, eius dire- ctionem invertendo; qui tamen Abbatis monitiones imo et reclamationes nihili fecerunt. Hinc si Institutum pessumda- tum est, id repetendum a Fratrum mala fide, proindeque omne damnum ipsis imputabile. Hucusque dicta eruuntur facili ratione ex relatione Domini Serrauste Sacrae Congre- gationi Episc, et Regul. die 31 Martii 1888 exhibita. Haec quae Consultor perhibet pro Abbatis defensione.

Pergens deinde Consultor ad secundum punctum, nempe ad protuenda iura Fratrum S. Vincentii, coarguit de falsitate insinuationem Abbatis Sarrauste, quod praefati Sodales stu- d u e r i t seu adlaboraverat ad habendam Instituti administra- tionem. Haec siquidem eis concredita fuit, non ab adversario Sarrauste sed a Comitatu Patronatus uti demonstrant literae Comitatus, et ipse etiam Sarrauste non diffitetur. Similiter Consultor dicit impugnari posse contractus onerosi sive ver- balis sive scripti existentiam. Constituta enim fuit anonima societas quoad bona instituti Orphanorum ex duobus membris Consilii administrationis et quinque sodalibus S. Vincentii, sed nullum pactum inter hos et Consilium administrationis intercessit, sicuti numquam extiterat inter ipsos et funda- torem Sarrauste.

Neque ipsis imputari fas est ruina Instituti. Siquidem cum istius administratio male verteret potissimum ex perse- cutione et contradictione sacerdotis Sarrauste et ex aliis cau-