256 APPENDIX III.

Hinc factum est, ut S. haec Congregatio in instructione, quam anno 1780 ad vicarium Apostolicum Sutchuen. transmisit, cum con- sensus renovationem ante proprium sacerdotem haud necessariam esse declaravit, quoties matrimonium extra eius praesentiam valide contra- ctum fuisset, simul tamen adiecerit « voluisse Sanctitatem Suam adhor- » tandos esse fideles ut mansionario reduci se sistant, ab eoque bene- » dictionem petant, praevia tamen declaratione a missionario facienda, » benedictionem huiusmodi ad matimonii validitatem neutiquam per- » tinere ».

Non itaque fundamento caret opinio P. Francisci a Brenno, qui eos haud absolutionis capaces esse propugnat qui nuptias coram parocho, ad accipiendam ab ipso nuptialem benedictionem, inire recusant, licet sine illo, illiusque benedictione valide contrahere valeant, adeoque tali pacto se prave ad recipiendam sacramentalem absolutionem dispositos ostendunt ob eam, quam gerunt obtemperandi Ecclesiae voluntatem, et quidem, ut ille ait, in re gravissima, unde concludit « Nolentes autem » Ecclesiae obtemperare, nedum sacramentali absolutione incapaces sunt, » utpote prava affecti voluntate, verum etiam, ut ethnici et publicani » ab Ecclesia merentur omnino repelli, iuxta Christi Domini oraculum » Matth. 18 ».

Ex Instr. S. C. S. Officii 14 Decembris 1859. - Ad Archiep. S. Francisci Lex tridentina de matrim, clandestinis localis et personalis est .

Lex tridentina de clandestinis matrimoniis debet sane, in unaquaque paroecia promulgari iuxta illius censuram, sed facta semel promulga- tione, eiusque observantia permanente, lex territorium afficit, et adae- quate loquendo, localem et personalem esse in confesso est apud omnes: quatenus localis afficit territorium, eosque qui ibi matrimonio iungendi sunt obligat ; quatenus vero personalis est, obligat qui domicilium vel quasi domicilium habentes in loco ubi tridentinum decretum promul- gatum est et viget, in altero ubi illud non viget contrahere vellent. Neque ex facta in posterum praedicti territorii divisione, vel in eadem aliarum paroeciarum partes divisae, vel recens erecta paroecia, a lege iam territorium possidente liberae renuncian possent. Item ex conti- nuata observantia decreti Tridentini, iustissime argui legitimam illius promulgationem, communis similiter sententia est.