APPENDIX III. 257

Litt. Ap. Pii PP. VIII 25 Martii 1830 (ad Archiep. Colonien, et ad Epp Treviren.,

Paderbonen. et Monasterien.) - Ex litteris Pii Papae VIII

super matrimoniis mixtis .

Litteris altero abhinc anno ad Leonem XII. cl. me. Praedecessorem Nostrum datis diligenter, Ven. Fratres, exposuistis arduum, in quo ver- samini , discrimen propterea quod civili lege isthic ante paucos annos lata praescriptum est , ut in matrimoniis mixtis liberi utriusque sexus in religione patris, aut certe ad eius arbitrium educentur, simulque sacerdotibus interdictum, ne a personis matrimonia huiusmodi contra- cturis ullam exigant super religiosa nasciturae prolis institutione spon- sionem. Et ipsi quidem vel ex eo tempore participes fuimus summi moeroris, quo idem optimus Pontifex affectus est ob angustias has vestras, quas hae literae plenius explicabant. Sed graviori adhuc molestia nunc angimur, quum humilitati nostrae inscrutabili Dei iudicio reservatum est vobis responsa reddere, quae Praedecessor Noster praebere morte praeventus non potuit. Siquidem S. huic Sedi prorsus non licet illa omnia praetermittere, quae in istis regionibus ad eius legis executio- nem postulari significastis. Verum duo sunt, quae haud parum nos re- créant, videlicet vestrum pariter et sacerdotum, qui sub vobis sunt , pro doctrina ecclesiae tuendae servandisque illius regulis studium, quod praedictis quoque ad Leonem Xli litteris demonstrastis, ac Serenissimi Borussiae Regis indulgentia, qui, ut pariter innuistis, ipse auctor quo- dammodo vobis fuit, ut Apostolicae Sedi huic integrum verum statum ingenue explicantes, illam super anxietatibus vestris consuleretis: hinc enim merito confidimus non modo vos rescriptis hisce nostris plane obsequuturos, sed ipsam quoque Serenissimi Regis Maiestatem vobis non succensuram, si eidem in rebus civilibus ex animo obsecundantes, in eis tamen, quae non civiles Matrimonii effectus, sed ipsam attingunt Ma- trimonii eiusdem sanctitatem, et religiosa coniugum officia respiciunt, sacras religionis catholicae regulas custodiatis. Itaque ad rem propius veniendo, haud nobis opus est, ut Fraternitates Vestras sacra omni do- ctrina peritissimas edoceamus quaenam adversus mixtas, de quibus agi- tur , nuptias Ecclesiae ratio sit. Ergo ignotum vobis non est, Ecclesiam ipsam a connubiis huiusmodi, quae non parum deformitatis, et spiri- tualis periculi praeseferunt, abhorrere; atque idcirco Ap. hanc Sedem summo semper costantique studio curasse, ut canonicae leges matrimo- nia eadem prohibentes religiose custodirentur. Quod si Romani Ponti- fices a sanctissimo illo canonum interdicto nonnunquam dispensasse in-

s c i a , Tom. XXVI. fase. O C OY. 17