§60 APPENDIX III.

(1) Instructio recentior super mixtis matrimoniis relata fuit VI. 456.

tum nobis exploratumque est. Sic agite igitur, sicque a Vobis admo- niti agant parochi, ut omnes videant catholicos sacerdotes non alio, quam officii sui adimplendi spiritu animari, ut in iis, quae civilis sunt ordi- nis, regias leges non propter servilem quemdam metum, sed propter conscientiam custodiant etc. (1).

Sanmus D. N. Pius d. p. Papa VIII. ad Archiep. Colonien, atque ad EE. Trevirensem, Paderbonensem, et Monasteriensem rescribens per litteras datas die 25 Martii 1830 eis iam significavit, quam magno moe- rore affectus ipse sit ob graves angustias in quibus illos versari cogno- verat, propterea quod civilis lex in eorum regionibus anno 1825 lata statuerit, ut proles utriusque sexus ex matrimoniis mixtis orta, in r e - ligione patris aut certe ad eius arbitrium educetur, et sacerdotibus in- terdixerit, ne a personis connubia huiusmodi contracturis ullam exigant super religiosa futurae prolis educatione sponsionem. Non enim potuit Sanctitas Sua ullo modo declinare a constante illo studio, quo Sedes Apostolica semper advigilavit, ut sacri canones qui mixtas huiusmodi nuptias deformitatis et spiritualis periculi plenas severe prohibent, re- ligiose custodirentur. Multo autem minus declinare potuit a ssmo illo Sedis eiusdem instituto, per quod Romani Pontifices, quum interdum (aegre scilicet, et graves tantum ob causas) matrimonia huiusmodi per- mitterent, suis dispensationibus adiicere consueverunt conditionem ex- pressam de praemittendis matrimonio opportunis cautionibus, non modo ut coniux catholicus ab acatholico perverti non posset, quin potius ille teneri se sciret ad hunc pro viribus ab errore retrahendum, sed etiam ut proles utriusque sexus ex eo coniugio procreanda in catholicae re- ligionis sanctitate omnino educaretur. Cum enim non ecclesiastica solum, sed naturalis ac divina prorsus lex vetet, ne homo in nuptiis contra- hendis se aut futuram sobolem periculo perversionis temere committat ; exinde sane manifestum est memoratas omnes cautiones idcirco adhiberi, ut naturalis eadem divinaque lex sarta tecta habeatur. Quare Sanctitas Sua debitis prosequens laudibus praedictos Antistites pro pastorali zelo, quo catholicos suae curae concreditos avertere conati sunt a nuptiarum foedere illicite cum acatholicis coniungendo , illos enixe in Domino adhortata est, ut posthac quoque in idipsum sedulo, prudenterque ad- laborent; simul vero, et nonulla iisdem literis praescripsit, quae Epi- scoporum eorumdem molestiis leniendis profutura viderentur, quaeque pertinerent ad catholicos in illicita illa connubia prolabentes, ad me- liora consilia atque ad salutarem poenitentiam facilius reducendus. At-