262 APPENDIX III.

praeterea Summus Pontifex declarat Episcopos eosdem illa omni pote- state uti posse etiam per alios idoneos ecclesiasticos viros a se specia- tim subdelegandos. Nonnulla tamen sunt ad eius auctoritatis usum spe- ctantia, de quibus Sanctitas Sua Episcopos , eorumque subdelegatos admoneri mandavit. Porro scilicet, ut in singulis casibus perspiciant, an matrimonium, quod irritum erat, instaurari valeat nova per utramque partem consensus significatione , ea scilicet significatione , quae debito modo fiat, et cui cautiones praecedant , quae pro coniugiis mixtis a Sede Apostolica exigi consueverunt. Et hanc quidem consensus reno- vationem tunc ipsi procurent, quando, omnibus specialis cuiusque casus adiunctis diligenter perpensis, nullum gravioris mali periculum fore censuerint in ea re postulanda, et perficienda; contra vero si gravia ea mala fuisse metuenda esse cognoscant, licebit eisdem matrimonium sa- nare in radice. Secundo ut quoties in casibus huiusmodi matrimonium sanent in radice , admonere omnino teneantur catholicam partem de gravitate sceleris ab ipsa patrati , eique salutarem pro eodem peccato poenitentiam imponere, atque imprimis adhortari illam in Domino, ut suis obligationibus sedulo satisfaciat, et praesertim quae catholicam' filiorum utriusque sexus educationem respicit. Tertio ut Episcopi et eorum subdelegati abstineant ab iis nuptiis imprudenter confirmandis, quae coram civili lege brevi dissolvendae praevideantur per sententiam laici magistratus, divortium inter partes pronunciantem. Et haec qui- dem SSmus Dominus N. indulgenda decrevit ad catholicos, qui in prae- dictis quatuor dioecesibus illicita simul et irrita coniugia ad praesens usque tempus cum acatholicis contraxerunt, in viam salutis facilius re- vocandos. Idem vero indulgentiae modus nequaquam adhiberi debet erga illos, qui futuro tempore nuptias mixtas et irritas inire ausi fuerint, quandoquidem ex ipsa facilis remedii spe animum plures sumerent ad peccandum. Caeterum S. S. in litteris ad eosdam Episcopos datis, quae supra memoratae sunt, iam declaravit matrimonia mixta in praedictis quatuor dioecesibus in posterum (videlicet a die 25 Martii 1830) ineunda, vera et rata matrimonia fore quamvis praeter formam contraherentur, a Tridentino Concilio praescriptam, dummodo tamen nullum aliud eis obstaret canonicum dirimens impedimentum. Novit equidem Summus Pontifex molestias illas gravissimas, in quibus quatuor illi Episcopi in praesentia versantur, ex eo etiam oriri, quod catholici quidem insano amore turpiter dementati nuptias contrahere optant cum acatholicis sibi coniunctis, et sacerdotes vexant eisdem ea in re connivere abnuentes. Adhuc tamen S. S. Antistites ipsos in Domino adhortatur , ut illorum improbitati suam in pastoralibus officiis constantiam opponant; quin imo,.