APPENDIX III. 263

et eosdem ad saniora satagant consilia revocare. Quod si aliquo in casu paternis hisce sacrorum Pastorum studiis in irritum cadentibus, catho- lica persona a proposito coniugii cum acatholico sibi propinquo ineundi, removeri non possit et impedimentum, cuius relaxatio postulatur pro nuptiis valide contrahendis, pertineat solummodo ad remotiores gradus, videlicet ad tertium aut quartum gradum sive consanguinitatis, sive af- finitatis, vel ad cognationem spiritualem (illa tamen excepta quae in- ter levantem, et levatum intercedit), vel tandem ad publicam honesta- tem ex sponsalibus ortam : tunc Episcopum ipsum considerare oporte- bit, utrum iusta atque urgens sit concedendae dispensationis causa, et talis illa scilicet, ut non privatorum hominum dumtaxat, sed publicam ipsam religionis catholicae rationem spectet, atque una oportebit illum implorare fervidis precibus lumen Spiritus Sancti, ut deinde in re tanti momenti id consilii capiat, quod magis in Domino expedire censuerit. Iam vero si quis ex quatuor Episcopis saepe memoratis, eadem illa causae gravitate permotus, ab aliquo praedictorum graduum (non tamen ab aliis gradibus nec ab alio quovis impedimento) ad contrahendas nu- ptias mixtas dispensaverit, hoc sane Summus Pontifex nullo unquam suo actu probaturas est : tolerabit tamen invito quidem, seu patienti animo, dummodo dispensatio huiusmodi ab Episcopo data fuerit intra tempus mox explicandum, aliisque servatis quae pariter modo decla- rabuntur. Nimirum 1. cum facultates aliae quas Sedes Apostolica Epi- scopis iisdem delegare iam consuevit pro matrimoniis inter catholicos ineundis ad quinquennii tempus definitae sint, declarat Sanctitas Sua, praedictam quoque tolerantiam ad quinquennium solummodo ab hac die 27 Martii 1830 inchoandum duraturam: et ita quidem, ut quum deinde facultates illae, quae pro matrimoniis inter catholicos delegari solitae sunt, ad aliud rursus quinquennium concedentur ; non tamen idcirco tolerantia haec prorogata censeri valeat, nisi ipsa quoque novo actu, verbisque expressis fuerit repetita. Insuper 2. decrevit etiam SSmus D. N. quoties pro matrimonio mixto dispensatio petatur in gra- dibus eadem tolerantia comprehensis, Episcopus concedere illam nequeat nisi postquam catholicam partem edocuerit, quaenam circa mixtas hu- iusmodi nuptias canonum sententia sit, et illam paterne ac sedulo ad- hortatus fuerit ad eosdem religiose custodiendos, mpnueritque imprimis de gravissimo scelere, quo apud Deum rea fiet, si nuptias huiusmodi contrahere audeat, non praemissa eisdem idonea cautione de liberis utriusque sexus in religionis catholicae sanctitate omnino educandis. 3. Atque si aliquo in casu, (quod Deus avertat) contigerit, ut Episcopus qui instructione monitisque huiusmodi nihil proiecerit ad catholicam