266 APPENDIX III.

Instr. S. C. S. Officii 17 Februarii 1864 - quoad matrimonia mixta.

Non latet quibusdam in locis haereticum ministrum agere perso- nam magistratus mere civilis, coram quo se sistere solent coniuges aut etiam debent ob finem politicum, nempe ut habeantur civiliter honesti coniuges prolesque censeatur legitima. Tunc vero, urgentibus haereticis, aut lege civili imperante, non improbatur quod pars catholica una cum haeretica se sistant ante vel post contractum ad formam Tridentini ma- trimonium, etiam coram ministro haeresi addicto, ad actum civilem dumtaxat implendum. Etenim ad dubium olim sic expressum : « Utrum catholicus .coram proprio catholico parocho cum haeretico contrahens licite possit, urgentibus haereticis, matrimonium hoc ratificare coram ministro haeretico, si nulla hinc ritus haeretici professio habeatur aut colligatur, et quidquid minister haereticus in casu agit, civilis dumtaxat et politica postulatio sit et censeatur; » per hanc s. Congregationem responsum fuit: Affirmative.

Verum enim vero quotiescumque minister haereticus censeatur ve- luti sacris addictus, et quasi parochi munere fungens, non licet catho- licae parti una cum haeretica matrimonialem consensum coram tali mi- nistello praestare, eo quia adhiberetur ad quamdam religiosam caeremo- niam complendam, et pars catholica ritui haeretico se consociare*; unde oriretur quaedam implicita haeresi adhaesio, ac proinde illicita omnino haberetur cum haereticis in divinis communicatio. Ea propter etsi per- niciosa haec consuetudo inoleverit, ita ut a clero de facili corrigi non possit; nihilo tamen secius omni adhibito studio ac zelo evellenda erit. Et sane Benedictus XIV. aperte docet non licere contrahentibus se si- stere coram ministro haeretico, quatenus assistat ut minister addictus sacris, et contrahentes peccare mortaliter, et esse monendos.

« Opportune itaque a Te instructi et commoniti parochi ac missio- narii edoceant fideles, qua publicis in ecclesiis catechesibus, qua pri- vatis instructionibus circa constantem Ecclesiae doctrinam et praxim, ita ut a mixtis contrahendis nuptiis, quoad fieri possit, salubriter aver- tantur; sin autem, abhorreant prorsus a celebrando matrimonio coram haeretico ministro sacris addicto, id quod omnimode illicitum et sacri- legum est. » Ita responsum fuit Ordinario Trevirensi sub fer. IV. 21 Apri- lis 1847.

Sciant insuper parochi, si interrogentur a contrahentibus , vel si certe noverint eos adituros ministrum haereticum sacris addictum ad consensum matrimonialem praestandum, se silere non posse, sed mo-