293

AUGUSTODUNEN.

MATRIMONII.

Die 15 Iulii 1893. Sess. 24 cap. 5 De refor. matrim.

COMPENDIUM FACTI. Alexander Chaullet ex oppido Saint Yrieix Lemovicensis dioecesis oriundus, cum Augustoduni ut stipendia iaceret degeret, et famuli (ordinanza) munere apud suae legionis ducem fungeretur, puellam quandam vix sex- decim annos natam, cui nomen Ioanna Machin, quae una cum matre famulatum penes alium eiusdem legionis ducem praestabat, cognovit, atque tanto amore prosequutus est, ut illam in uxorem ducere statuerit , ac a matre petierit. Sed Ioanna, quae, ut videtur, alium militem iam diligebat, Ale- xandri precibus restitit : adeo ut hic cum armorum cursum explevisset, omni spe amissa puellae animum sibi conciliandi, Augustodunum dereliquerit, atque in suam patriam rever- sus sit.

At vero Ioannae mater, cui valde arridebat hoc filiae ma- trimonium cum Alexandro iniri , sategit ut filia consilium mutaret, et animum ad Alexandrum adiiceret. Puella vero, post quatuor vel quinque menses de mutato sui animi pro- posito Alexandrum edocuit, et ad nuptias invitavit. Hic li- bentissime invitationem excepit, Augustodunum rediit, ibique domicilium constituit, et post quinque dies, nempe die 4 De- cembris 1886, optatum coniugium rite cum Ioanna contraxit.

Verum statim initi matrimonii eum poenituit. Ioanna enim ipsa nuptiarum die (ut fertur) Alexandro declaravit se matris vexationibus ad matrimonium adactam, neque illum unquam ama visse, neque in posterum amaturam fore. Quin imo quamvis eodem lectulo una cum Alexandro accumberet,

EX S. CONGREGATIONE CONCILII