294 AUGUSTODUNEN.

nihilominus neque blanditiis neque vi unquam adduci potuisse- fertur, ut coniugale debitum viro suo redderet.

Quod certum, identidem virum fugiens ad matrem se re - cipere consuevit : usquedum post duodeviginti menses Ale- xander defatigatus et uxoris fidelitatem suspicatus, eam a se eiecit, et civilis divortii actionem instituit.

Cum autem id facili obtinuisset, ut suae conscientiae consuleret, Augustodunensem Episcopum adiit, ac per eum SSmum deprecaturus, ut suum matrimonium tum quia in- consummatum , tum quia probabiliter nullum ex capite vis et metus mulieri illati, irritum declarare vellet. In literis autem quas Augustodunensis Episcopus Pontifici tunc dedit haec leguntur : « Difficilis valde quidem fit causae cognitio,, quia mulier procul a civitate Augustodunensi quasi more meretricum degens, et insuper divortio civili pronuntiato, iam non timens ut ad redeundum in coniugale domicilium cogi possit, minime curat ut sibi ipsi unquam «liceat legiti- mum aliud matrimonium ; imo cupida videretur virum suum Alexandrum Chaullet in moerore difBcultatibusque implici- tum relinquendi. Quapropter infelicior sane et miseratione dignior illius iuvenis evadit conditio. Humillime igitur et enixe deprecatur Sanctitatem vestram, ut ipsius misereri di- gnetur. Testatur Episcopus Augustodunensis Alexandrum Chaullet speciem viri boni prae se ferre, et omnium, qui ipsum noverunt existimationem paravisse. Orator modicus artifex structor parietarius possidebit tantum quoddam prae- diolum in Dioecesi Lemovicensi, et quidem post parentum mortem : nunc autem ex operae quotidianae mercede vivi t , impense igitur rogat, ut quam minime fiant causae sumptus ».

SSmus precibus annuens, Augustodunensi Ordinario man- davit, ut tam super nullitate quam super non sequuta matri- monii consummatione et dispensationis causis, ad iuris t rami- tem, etiam cum facultate subdelegandi quatenus opus fuerit, processum conficeret. Cui mandato obsequens Antistes pro- cessum quam rectius ac citius potuit conficiendum curavit. Et die 25 mensis Martii anni 1891 acta processus ad S. C. C»