AUGUSTODUNEN. 295

mittens haec scribebat : « Maritus et octo testes interrogati sunt, sed mulier adduci non potuit ad comparendum coram Tribunali, et deficiente omni copia illam cogendi, necesse fuit processum finire, quin interrogata fuerit. Ab obstetrici- bus de cetero utiliter examinari non valet, et cognitis aliorum praesertim matris responsionibus, minori incommodo omitti potest illius testimonium... Testium examine permoti offi- ciales et ipse vinculi defensor persuasum habent matrimo- nium non consummatum fuisse, et dispensationem petitam super isto impedimento perutilem esse et fore necessariam Alexandro Chaullet, qui cum sit iunior et familia destitutus nubere valde cupit ».

Postea tamen Ioanna cum Augustodunum reversa esset interrogari potuit; quae suis responsis confirmavit incon- summationem matrimonii.

Disceptat io Synoptica.

VOTUM THEOLOGI. Revocatis , Consultor, ad trutinam omnibus quae matrimonium praecesserunt, censuit, matri- monium in themate per vim et metum contractum fuisse et ideo nulliter initum.

Dein prosecutus est consultor, ad valide contrahendum matrimonium certum est , docent unanimes, requiri verum contrahentium consensum, tum internum, tum etiam externe manifestatum. Hoc enim patet, praesertim ex natura pecu- liari istius sacramenti essentialiter in volventis contractum; qui sine interno contrahentium consensu et externa illius manifestatione nequit subsistere; Dall'Occa.

Ut autem hic consensus plenus habeatur, requiritur, ait Cosci, totalis libertas et securitas. Nam, ut videre est apud Liguori, Alexander III definivit: Cum locum non habeat consensus ubi metus vel coactio intercedit, necesse est ut ubi assensus cuiusque requiritur, coactionis materia repellatur. Matrimonium autem solo consensu contrahitur, et tibi de ipso quaeritur, plena debet securitate illa gaudere, cuius est animus indagandus.