300 AUGUSTODUNEN.

visse, idest plenarie et perfecte. Ex omnibus vero, quae sunt exarata in processu et superius repetita, haud facile videtur admitti talis ignorantiae praesumptio. Attamen ignorantia haec non o b t u n d e r e t matrimonium, cum de suo matrimonio generaliter ipsa consenserit, idest de omnibus, quae sunt matrimonii. Nam in contractibus non requiritur ut consen- tiatur expresse de singulis particularibus, sed satis est, ne sint exclusa. Aliter maior pars puellarum, disciplina et mo- ribus praestantium posset importare hanc ignorantiam contra earum inita matrimonia. Quod non accidit, neque admittitur.

Ad irritandum itidem matrimonium, infirmatur in casu aliud argumentum, repositum in asserta amoris carentia ex animo mulieris erga virum ; quae carentia, imo aversatio, monstratum est quod in Ioanna ita fuit, ut non potuerit maior esse. Attamen notandum suppetit, expedire quidem ut mutuus amor ducat iugales ad matrimonium, cum ipsum sit perpetuum et indissolubile amoris vinculum ; nihilominus non est cordis amor, sive sensuum, qui matrimonium conficit, sed utique mentis amor, seu voluntatis consensus : unde ne- quaquam sine consensu, sed sane sine amore contrahitur ; veluti non raro iudicia, et experientia quotidie demonstrant.

Bene tamen inniteretur observatio, superius inducta, in gratiam eiusdem nullitatis, quando, pro nomine amoris, in- telligeretur affectus copulae maritalis ; quae matrimonii est equidem essentialis finis, non utique necessarie exercendus, sed voluntarie ; ita tamen ut non ab uno tantum, verum ab utroque coniuge possit excludi. Etenim, cum certum sit, et communiter inter Doctores, quod si quis contraheret, positive excludendo hunc finem, seu obligationem animo non reddendi debitum, non solum peccaret, sed nullum matrimonium iniret.

Pluries Ioanna dixerat, se non amare Alexandrum, neque esse amaturam , et effatum hoc concipi poterat, tamquam exclusio copulae a coniugio. Revera illa iteravit idipsum quando restitit marito, qui cum ea, veluti uxore sua, agere conabatur; et repetivit tunc cum narravit medico, quod con- iugem non cognovit; addens quod et nunquam cognosceret.