306 AUGUSTODUNEN.

lum, ut compertum est, ni fallor; restat potius ut invocetur humiliter declaratio de huiusmodi nullitate.

VOTUM CANONISTAE. Neminem vestrum latet, Emi Patres, ait Consultor, ad matrimonium invalidandum sat esse me- tum, quem reverentialem vocant, dummodo quaedam concur- rant adiuncta, cuiusmodi essent iuxta Doctores gravis alicuius damni timor, minae, preces importunae , quibus contradici facile haud posset, sive denique alia quaelibet gravis huius generis circumstantiae. In his enim casibus metus reveren- tialis gravis dicitur i. e. cadens in constantem virum, et ma- trimonium nullum reddit ex defectu consensus. Nam « locum « non habet consensus , ubi metus vel coactio intercedit. » Alex. III cap. 14 tit . I lib. IV Decret. Greg. IX. Quo posito ex processu in augustodunensi Curia confecto liquet, Ioannam Machin matrimonium cum Alexandro Chaullet contraxisse non libere , sed opera atque artibus ipsius matris , quae ad hunc unice finem , ut filiam ad matrimonium compelleret, iteratas suasiones, preces, ac minas adhibuit. Hoc eruitur ex depositione ipsius matris Franciscae Machin, quae in resp. 6 fatetur matrimonii celebrationem a coactione ab ipsa propriae filiae illata repetendam esse. In sequenti deinde responsione determinat modos, quos adhibuit ad cogendarh filiam ad ma- trimonium. « Je l'ai forcée de toutes les manières. Je lui ai dit que je ne l'aimerais plus. Elle m-avait donné un certain nombre d'objets. Je les lui ai rendus, et elle en a été telle- ment émotionnée, qu'elle en est tombée malade et qu'elle a failli en mourir. » Nec sola extitit Francisca mater ad co- gendam filiam ad matrimonium contrahendum, sed aliis per- sonis tanquam medio atque instrumento, ut filiae matrimo- nium obtinere posset, usa fuit.

Nec aliter loquitur orator Alexander Chaullet, ex cuius depositione iurata constat Ioannam primae matrimonii propo- sitioni reposuisse negative, suasionibus deinde et minis matris eidem matrimonio consensisse.

Haec omnia, si animadvertantur nullum dubium est, Ioan- nae incussum fuisse timorem, et talem fuisse qui cadit in