308 AUGUSTODUNEN.

Depositionem coniugum firmant plures testes. Et mater Ioannae fatetur filiam eidem pluries ante, et post sententiam divortii civilis confessam fuisse matrimonii inconsummatio- nem. Neque opponi potest, magistratus civiles in sententia divortii proferenda ne verbum quidem fecisse de repugnantia mulieris ad ponendos actus coniugales; hoc enim repeti debet ex facto advocati Aloysii Iosephi Cognet, qui pro bono clientis sui Alexandri in promptu habens alias rationes, aliasque iu- ridicas probationes ad obtinendam sententiam divortii, noluit insistere in argumento repugnantiae mulieris ad matrimonium consummandum utpote difiicilioris probationis.

Matrimonii inconsummationem testatur Lazaretta uxor Ioannis Maillard deponens hoc apprehendisse saepius sive ante, sive post separationem ab Alexandro et a matre Ioan- nae. Quod non credidit Lazaretta, probe enim cognoscebat illicitos Ioannae amores.

Accedunt testimonia Mathildis Maillard et Friderici Fer- dinandi Chauchon-Latouche doctoris.

Depositioni iuratae coniugum ac testium adiungenda esset probatio desumpta ex corporali Iohannae inspectione. Verum ex actibus processualibus constat ipsam vix post aliquod tem- pus adduci potuisse ad comparendum coram tribunali eccle- siastico. Deinde inutilis evaderet inspectio cum vivat more meretricum. Quamvis autem hoc desit argumentum, nihilo- minus ex allatis moralem habere possumus certitudinem ma- trimonium consummatum non fuisse.

Posita non consummatione matrimonii, iurisprudentia le- gitimas requirit causas ad dispensandum. Et inspecto processu ac prae oculis habitis epistolis Episcopi Augustodunensis ha- bemus a) maximam mulieris erga virum et viri erga mulie- rem aversionem, nullamque spem pacis conciliandae, quod ad dispensandum gravissimum censetur.

Ex his omnibus concludendum puto matrimonium in the- mate nullum esse, et si hoc nolit admitti, consulendum esse Sanctissimo pro gratia dispensationis.