NEMAUSEN. 323

randi religione coram ecclesiastico tribunali declaravisse : matrimonium numquam consummatum fuisse, seseque in vir- ginitatis statu permanere. Cui mulieris confessioni plenam fidem adhibendam esse omnes testes, nemine excepto, affir- masse recolit patronus. Re sane vera pater actricis asserit omnino filiae credendum esse, quia mendacii incapax sem- per fuit.

Eadem testati sunt, inter ceteros, Episcopus Nemausensis, frater et soror actricis, domina Martin, rev. P. Clavé e So- cietate Iesu, Marthae confessor, qui coram iudice deposuit : actricem sibi visam esse omnino fide dignam, eiusque de- clarationes maxima sinceritatis signa prae se ferre.

Nec testes, pergit orator, de mulieris sinceritate dumtaxat deponunt , deponunt etiam secundum ea quae viderunt et audierunt de matrimonii inconsummatione. Sic pater actricis per veterem quamdam famulam, necnon per litteras, quas ad eum Caietanus miserat, matrimonii inconsummationem cognovit. His succedunt alii testes, qui solemniter affirmant matrimonium nunquam fuisse consummatum. Ita, animad- vertit patronus dominus Martin qui ex ore ipsius Caietani matrimonii non consummationem a p p r é h e n d e r a i .

Postremo Episcopus ipse Nemausensis ait : « Quod si mentem meam de ipsius causae merito aperire liceat, non dubius asseram et plene probatam esse matrimonii incon- summationem et satis apparere causas dispensationis conce- dendae ».

Inductos autem testes probitate, religione, fide et sinceri- tate quam maxime pollere, censet orator. Re sane vera en quid de iis sentit Episcopus Nemausensis : « Superest nunc dicam, oratricem ipsam et eiusdem totam familiam probitate et religione, fide et sinceritate eminere. Pater Pontificalium Ordinum equestrium Commendator, plurimum de religione hisce in partibus meritus est, adeo ut ipsorum testimoniis plenam fidem adhibendam esse non dubitem. Idem dicam de singulis testibus in causa productis ».

Praeterea in causa, animadvertit patronus, aliud validis-