324 NEMAUSEN.

simum argumentum de non peracta consummatione ex prae- sumptionibus colligi. Siquidem, ait, satis superque constat Caietanum venereo morbo per id temporis laborare, proin- deque in huiusmodi tristissima conditione vel noluisse vel non potuisse matrimonium consummare.

Insuper in facto positum esse, monet orator, Caietanum mulierem evitasse ; fere nunquam in eodem lecto cubuisse ; eius blanditias respuisse, contumeliis spretuque eam prose- quutum esse; quod deponit domina Martin, et ceteri testes loquuntur. Gravissimas igitur praesumptiones etiam extare de non peracta matrimonii consummatione censet. Verum, pergit orator, si qua adhuc dubitationis alea superesse posset,, hanc evanescere dicendum est si prae oculis habeantur de- positiones et relationes peritorum medicorum, qui ad iudi- cialem Marthae corporis inspectionem processerunt. Observat autem in themate praescriptiones canonicas in inspectione peragenda religiosissime servatas fuisse. Medici autem coram iudice unisona voce Martham integram proclamasse enarrat. Quibus iudicialibus utriusque medici dispositionibus plenam confirmationem accedere, memorat orator, ex iis quae iidem in relationibus scripto seorsim panditis retulerant.

Neminem autem latet, adurget patronus, quanta sit vis; argumenti a physicis virginitatis signis, et praesertim ab hymenis integritate deprompta. Sane Zacchia in lib. 4 quaes. med. leg. tit. 2 quaest. 1 n. 1> ait : « Multa in medium adducuntur, quibus praesentibus, de virginitatis integritate ambigi non potest, praecipue autem id probare videtur infal- libile et insuperabile signum ab hymene desumptum, qua praesente virginem esse illibatam satis superque notum est etiam iis testibus, qui de hymenis natura et veritate dubi- tant ». Concinit Bartolinius Inst. Anatom, cap. 31 ; Bar- zellotti quest. di medie, leg., tom. 1, lib. 1, cap. 5, aliique passim. Praeterea ait patronus cum Abbas in cap. Propo- suisti 4. De probat, num. 3: « Ubi (res) probanda est in qua iudex non est instructus nec instrui potest, sive quia huius rei inexpertus est, sive quia honestas non patitur, recurren-