326 NEMAUSEN:

Ulterius orator ut demonstret Marthae minime nocere posse deficientiam testimonii septimae manus ex latere viri , observat, Caietanum rite citatum, per literas Iudici signifi- casse « se nolle comparere, sibique in mente esse nullas in causa partes habere ». Cum igitur per mulierem non steterit quominus ex latere viri testes adhiberentur, horum defectus ei nullum praeiudicium afferre debet, ceu pluries tenuit S. Con- gregatio C. et novissime in Varsavien. 11 Maii 1887, in Pa- risien. 3 Augusti 1889. Neque dicendum esse, putat defensor, quod Caietani consanguinei citandi erant ex officio. Re sane vera si Caietani mater, quae optime omnia noverat, et cui potissimum pro filii existimatione interesse debebat, ut lux fieret, comparere renuit, immo nihil omnino respondit, inu- tile prorsus erat citare alios consanguineos, qui procul dubia Caietano renuente, matre renuente, omnes renuissent.

Immo ultra progreditur orator et affirmare non dubitat, quin in praesenti causa examen testium ex latere viri, nullo modo rerum substantiam immutare potuerit. Nil enim excu- tiendi testes adiicere potuissent, quod Caietanus in suis lit- teris fassus non sit. Si matrimonii inconsummationem, con- vicia, ^spretus confirmassent, haec et Caietanus confirmat. Si inconsummationem, iniurias, convicia, contumelias nega- vissent, fides ipsis tribuenda non fuisset, contra Caietani con- fessionem, qui in litteris ad Martham, eiusque patrem non poterat clarius matrimonii inconsummationem saevitiasque in mulierem fateri. Immo ex actis constare, eam confessio- nem plene confirmaturos fore asseverat patronus. Unus enim testium, qui ex latere viri citari potuisset, nempe dynastes d'Anglas, qui matrimonialibus negotiis interfuit, quique a. Caietano in celebratione nuptiarum veluti testis adhibitus, fuit, in litteris ad patrem actricis loquitur de inconsummatione huius connubii.

Quamobrem, concludit, etsi testimonium ex latere viri deficiat, in processu tamen est quod huiusmodi defectui abunde suppleat, ita ut plenissima moralis certitudo de matrimonii inconsummatione exoriatur.