328 NE MAU SEN.

utuntur, quibus virgines appareant ». Quas fraudes enu- merari refert a Zacchia Quaest, medie, leg. lib. 3* tit. 2, quaest. 7, n. 1.

Insuper timendum esse dicit, medicos, qui ceteras cor- poris partes, praeter muliebria, non considerant, decipi posse non solum ob memoratum fraudis periculum, sed etiam ob alias causas omnino naturales ; nam virgo, intacto manente hymene, nedum consummare matrimonium, verum etiam prolem concipere potest ; et ad rem refert verba saepe dicti Zacchiae, qui lib. 4, tit. 2, q. n. 28 et seqq. a i t : « Hoc autem dupliciter evenire potest. Uno modo, si membrana illa (hymen) adeo dura sit, ut disrumpi a congressore non possit ; tunc enim si vir intra uteri collum semen effundat, et uterus illud attraimi per orifìcium quod perpetuo in illa membrana reperiri certum est et minime controversum, potest mulier concipere. Secundo modo, si vir membrum habeat admodum breve et membrana illa sit altius ulteriusque posita ; vel ipsa mulier uteri collum habeat praelongum ; tunc enim idem quod in superiori casu evenire poterit. Addam duos alios modos ; unum si, virga tenui existente, hymenis orifìcium sit ampliusculum, nam absque hymenis dilaceratione mulier corrumpi potest et concipere. Quartus modus est notatu prae ceteris dignissimus, ut qui eventu frequentior esse soleat, et maxime notatur a Pinaeo ; quando virgines uno aut altero die, aut etiam tertio et quarto praegresso a menstrua pur- gatione viro iunguntur, quia tunc non solum virum facile et absque dolore admittunt, sed quod mirum duxeris, mem- branae illae, quae hymenem constituunt, non disrumpuntur, sed tantummodo ob praegressam menstruorum humiditatem relaxantur, ita ut facile congredientis peni absque eorum di- laceratione cedant ; et tunc etiam mulierem concipere posse nihil obstat. Vides ergo quot modis corrumpi possit virgi- nitas, et tamen virgo incorruptissima intuentibus apparere, si his exterioribus signis fidem habeamus ». Cui concinunt moderni salutaris artis proceres, quos inter doctor Pineau, et praeclarus archiater Petrus Budin.