NEMAÜSEN. 329

At in praesenti causa, animadvertit Sacramenti tutor, medici Albertus Puech et Leo Raynaud, in Marthae corpore perlustrando, nihil praestiterunt ad tam obvia deceptionis pericula praecavenda : sed mirabili animi levitate, Martham virginem proclamarunt, uno tantum virginitatis iudicio, hy- menis scilicet integritati innixi : non tamen ceteras partes corporis, colorem, aliave huiusmodi prae oculis habuerunt.

Ulterius, pergit orator, timendum non solum est ne me- dici cognitores decipiantur, sed etiam ne decipiant. Hac sane de causa certae cautelae invectae sunt, quibus servatis, periti, etsi velint, decipere non possint. Re enim vera in Instru- ctione a S. C. C. edita die 22 Augusti 1840 § Procedendum et seq. cautum est, ut corpus mulieris perlustrent tres saltem obstetrices ; idque ita peragant, ut quaelibet obstetrix scri- ptam expletae explorationis relationem emittat atque iudiciale subeat examen, antequam cognoscere possit testimonium alia- rum obstetricum ; cautum pariter est, ut duo saltem medici primum obstetrices recognitionem corporis peracturas in- struant, deinde relationem ab obstetricibus editam expendant ac iudicent. Quocirca quinque saltem testes adhibendi sunt : scilicet tres obstetrices ac duo medici ; et ad praecavenda quaecumque fraudis collusionisque pericula sancitum est, ut quilibet testimonium suum edat, prius quam de aliorum te- stimonio certiorari vel suspicari ullatenus queat. At in prae- senti causa medici Albertus Puech et Leo Raynaud, sine aliis testibus ac arbitris, remotis obstetricibus, negotium ab- solverunt ; et ita absolverunt, ut uterque dum virginitatis testimonium edidit, testimonium ab altero emissum sive emit- tendum probe nosceret : adeo ut non iam quinque, imo neque duo sed unus tantum quodammodo testis habeatur.

Porro in themate, iuxta defensorem, iudex Nemausensis medicis commisit ut, una simul collatis consiliis, negotium explorationis absolverent, idque factum putat quia Nemausi iudex exemplum sequi voluit iudicis Parisiensis, qui in literis ad S. Concilii Congregationem die 21 decembris 1891 datis, testatus est : « Peritos ingredi quidem ambos simul in cubi-