NEMAUSEN. 333

est, ceu advertit Sánchez De matrim, lib. 7, disput. 108., n. 7: « Ut , cautiori diligentia adhibita, dissolutio matri- » monii fìat. Quae res maximi momenti est ». Quod eo magis urget in themate, quia potissimum, unicum argumentum, cui innititur adversa actio, nempe specimen in corpore mu- lieris peractum, ita expletum est, ut medici cognitores et decipi et decipere facillime potuerint.

Nec satis ; at ultra progreditur defensor et asserere haud dubitat alienissimum a veritate esse, per mulierem non ste- tisse quominus ex latere viri testes adhiberentur. Siquidem Marthae pater, Caietanum cupientem os ad os loqui, et facta, prouti prostant, nitide sibi narrare, inciviliter crudeliterque ab se reiecit. Martha vero per obreptitias preces obtinuit, ut inquisitio fieret Nemausi, cum Caietanus eiusque testes Monte Pessulano versentur.

Item Marthae pater in iudicio utique deposuit scivisse a quadam famula , matrimonium non fuisse consummatum, et a quibusdam medicis consummari non potuisse causa syphi- lidis mariti, absque gravi mulieris periculo, et aegre fert quod suprascripti testes optime edocti ad iudicii aulam accedant. De famula enim inquit : « trop âgée, et trop affaiblie au- jourd'hui pour pouvoir être interrogée ». Quoad vero medicos, nec domicilium, nec eorum nomen designat.

Iudex autem a Martha electus in patris Marthae vota concessit, non ad examen accivit famulam, non de medicis sollicitus fuit, quamvis perspicuum sit, iuxta oratorem, fa- mulam haud ita esse « âgée » et « affaiblie » ut neque in aula iudicii, neque domi examini subiici queat ; quamvis Instructio S. C. C. diei 22 Augusti 1840 sapientissime mandet, ut praeprimis in causis huiusce speciei medici ad examen adducantur, qui a viro ad curationem adhibiti sunt.

Nec dicere iuvat quod Marthae pater, si testimonium fa- mulae aut medentium reformidasset, illos silentio praeteriisset. Illi enim silentium prodesse haud poterat semel ac testimo- nium famulorum et medentium in istiusmodi causis iudices ex officio exquirere soleant.