334 NEMAUSEN.

Postremo, observat defensor, prout testes, ita et epistolae, quae magnam lucem effundere possent, iudicialibus tabulis mi- nime inseruntur. Sane Paulus Révoil, Marthae frater, si eum audias « a appris par une lettre de Mme Morel, leur soeur que le mariage n'avait pas été consommé ». Item Blanca Martin ait : « Des lettres écrites par Marthe à sa soeur et à madame Martin confirmaient sa triste situation et don- naient des détails, tant sur la maladie de son mari, que sur l'abandon où celui-là la laissait ». Attamen literas, nec Paulus Révoil, nec Ioanna Morel, Marthae soror, nec Blanca Martin actis inserunt. Quae cum ita sint, orator autumat fieri optime posse, ut decantata Marthae integritas virginalis in leves auras abeat, si specimen peragatur ad tramitem iuris, adhi- bitis scilicet cautelis a saeculo invectis ad fraudes et collu- siones praecavendas : fieri aeque posse, ut inter fabulas aman- dentur syphiliticus morbus aliaque in absentem Caietanum impune congesta, si dioecesis Montis Pessulan. Ordinario committatur, ut curet Caietanum ad examen adducere, atque testes septimae manus ex latere viri aliosque, quos de re instructos comperiet, excutiat, vanum disputare putat de dispensationis causis.

Hisce, aliisque praenotatis, enodandum propositum fuit

D u b i u m

An sit consulendum SSmo pro dispensatione super ma- trimonio rato et non consummato in casu.

R E S O L U T I O . Sacra C. C. re discussa sub die 9 Septem- bris 1893, censuit respondere : Affirmative.