B U G E L L B N.

335

MATRIMONII

Die 9 Septembris 1893.

Sess. 24 Cap. 1 De reform.

C O M P E N D I U M F A C T I . In ecclesia paroeciali loci Arro Salus- sola dioecesis Bugellensis, die 7 Februarii 1889, praeter- misso actu civili, matrimonium iuxta formam tridentinam contrahebant Franciscus Spina annorum 23 et Margarita Figino 20 annos nata.

Cum ante nuptiarum celebrationem rumor percrebuisset, Margaritam alterius opera uterum gerere, idque rescivisset Franciscus, eo res pervenerant ut initi sponsales tractatus penitus abrumperentur. Verum postquam mulier, suam in- nocentiam aperte denuntians, sponsum non sine lacrymis obtestata esset ne potius aliorum dictis quam sibi fidem ad- hiberet, matrimonialis contractus, uti iam dictum est ad ef- fectum perductus fuit.

Ipsa prima contubernii nocte rei uxoriae coniuges operam dare coeperunt. Sed postea Franciscus ratus famam veritati cohaerere, elapsis viginti circiter a suscepta cohabitatione diebus, uxorem dimisit. Tunc Margarita maternam domum primum reversa est, ac inde Bugellam perrexit ubi, ut ipsa fatetur, labente mense Iunio eiusdem anni in publico ho- spitio foetum enixa fuit.

Die 18 Novembris 1890 Franciscus, asserens se condi- tionaliter tantum sponsalitiam fidem Margaritae dixisse, ab Episcopo petebat, ut suum matrimonium nullum ex defectu consensus declararetur. Siquidem consensum a se praestitum sub conditione quod Margarita tunc ventrem non ferret, hac non purificata, irritum esse contendebat. Ut autem id inno- tesceret, Praesul ad tramites iuris tribunal constituit, coram quo deinde et coniuges et eorum septima manus, sub sacra- menti sanctitate deposuerunt. Absoluto processu, eiusdem acta die 7 Ianuarii 1891 publicata fuere ac partes monitae