BUGELLEN. 337

Acta, Tom. XXVI. fase. CCCVI. 22

hoc S. Tribunal. Non dubito quin Curia Bugellensis omnia rite compleverit, quae in eiusmodi iudiciis sunt praescripta.

Contractibus, in quibus duo, vel plures conveniunt, posse adiici conditiones, quibus purificatis, contractus transeunt in absolutos, et vicissim non purificatis cadunt in nullitatem, leges tum civiles, tum ecclesiasticae admittunt. Unde quando promissiones sunt conditionatae, et conditio ab una ex par- tibus non fuit adimpleta, altera ab omni vinculo liberatur.

Cum matrimonium verus sit contractus, ita in eo possunt adiici conditiones, sicuti in ceteris, hoc tamen discrimine, quod conditio debeat esse de praeterito, vel de praesenti, numquam vero de futuro ; cum enim eius natura exigat per- petuam firmitatem, talis consensus, cui innititur Sacramen- tum, a conditione dependeret, et sic nutare t firmitas. His praenotatis, ad dubii propositi solutionem progrediamur.

Iudicium de valore, aut nullitate huius connubii dedu- cendum erit ex conditione, scilicet an conditio de praesenti revera fuerit adiecta, et an conditio fuerit impleta « Stat matrimonium, stante conditione, et ea non stante, non stat. » Verba sunt D. Thomae Aquin.

In casu itaque nostro ut veritas elucescat certi esse de- bemus an revera Franciscus Spina in ducenda sibi in uxorem Margarita ita consensum suum alligaverit conditioni, ut num- quam ducturus eam esset, si femina in utero gestaret.

Talem autem fuisse Francisci intentionem colligitur ex antecedentibus matrimonium : pervulgata enim fama in op- pido de Margaritae graviditate, omnem ipse abrupit tractatum, nolens ducere Sponsam, antea corruptam ; quae quidem re- tractatio satis nos docet, ipsum semper in animo habuisse virginem ducere, et non aliter cogitasse. Et quamvis ipsa sponsa lacrymis et iureiurando sinistram de se famam abs- tergeré sategerit, et Franciscus ita deceptus, bona fide eam duxerit, tamen antea conditionem expressit: conditio vero, quae praecedit matrimonium, impedit absolutum consensum. Sed audiatur ipse actor in suo examine: in uxorem duxi Mar- garitam sub conditione eius integritatis; quam conditionem