344 BUGELLEN.

vilis celebrationis post religiosam caeremoniam. Actus civilis locum habere nequivit ob praecocem coniugum separationem.

Inito et consummato matrimonio, Franciscus mature prae- gnantiam uxoris cognovit, retinuitque tamen et rei uxoriae operam dedit usque dum, collatis cum parentibus consiliis auditoque iurisperito, post viginti circiter dies illam dimisit. Verumtamen nec vola nec verbum tunc de conditione appo- sita factum fuisse novimus ; quin imo paterfamilias mulieri reluctanti minime conditionem non purificatam, ut pronum fuisset, obiecit, sed verba quae virum religiosum dedecent; tranquilla, ait, répète domum tuam, nam quum civilis actus nondum initus fuerit adhuc ambo liberi estis. De conditione vero nonnisi elapsis viginti et ultra mensibus a separatione, primum in Curia Episcopali fit sermo. Sed his missis, de matrimonii usu pauca dicenda sunt. Compertum est Fran- cisco ipsa prima condormitionis nocte mulieris praegnantiam innotuisse; ait enim: quum usque a prima vice detegissem, Margaritam utero gravem, verba feci meis parentibus, qui eam subiicere volebant inspectioni medicae. Et quamvis addat, rem cum ea habui usque dum certitudinem de praegnantia consecutus sum, postea cessavi omnino : nihilominus ex om- nibus satis dignoscitur, illum etiam post detectam uxoris graviditatem ipsi carnaliter adhaesisse. Quod ipsa Margarita deposuit. Scio equidem ea quae cum pluribus magnae notae doctoribus docet Schmalzgrueber^.?. 2, tit. 5, num. 22, scili- cet matrimonium initum sub conditione de praesenti vel de praeterito non convalescere subsecuta carnali copula; ast commemoranda etiam videntur quae leguntur apud Sánchez De matr. lib. 5. disp. 8. n. 25 - ibi - « hinc infertur, si pen- dente conditione... matrimonii initi coram parocho et testibus, contrahentes habeant copulam, praesumere Ecclesiam reces- sisse a conditione et perfici matrimonium per cap. Per tuas, De conci, app. Quod idem erit in foro interno, etiam post Tridentinum, si affectu maritali commixti sunt, quia iam servata sit forma Tridentini in priori contractu, et iudican- dum erit ac si impleta esset conditio. » Porro in themate