348 OXOMEN.

ricos chori servitio adscriptos, vacationum trimestralium tempore, vi articuli sexti constitutionum capitularium et antiquissimae consuetudinis, distributiones quotidianas per- cepisse ac si praesentes in choro adfuissent. Cum autem haec agendi ratio dispositioni S. Concilii Tridentini contradicere Episcopo tunc temporis videretur, ipse decrevit tertiam fru- ctuum respectivae praebendae partem a capitularibus et be- neficiatis dictae ecclesiae singulis diebus esse posthac amit- tendam, quibus vacationum causa quotannis a choro abes- sent; simulque praecepit ad Sedem Apostolicam recurrere pro sanatione impetranda eorum quae retroactis temporibus hac in re acta fuissent. « Hinc capitulum, mandato sui Praesulis obsequens ad Apostolicam Benignitatem confugit, suppliciter exorans, ut quatenus opus sit, eidem sanationem largiri di- gnetur pro fructibus seu distributionibus, quas tum capitu- lares, tum beneficiati huius sanctae ecclesiae tempore respe- ctivarum vacationum perceperunt. Pro qua venia impetranda, animadvertebat, capitulum et ceteros huius cathedralis cle- ricos chori servitio adscriptos, distributiones quotidianas re- spectivas vacationum diebus integras bona fide et absque conscientiae remorsu usque in praesens percepisse ob anti- quissimam immemorabilem consuetudinem et textum Statuti sexti, » simulque humillime deprecabatur Apostolicam Beni- gnitatem « indulgere seu permittere, ut praecitata praxis, iuxta huius ecclesiae statuta constanter servata, in posterum teneatur . . . . Si vero huic postremae supplicationi annuere Sanctitati Vestrae conveniens non videatur, dignetur saltem indultum largiri, ut capitulares et beneficiati huius cathe- dralis ecclesiae Oxomensis possint, sicut in aliis Hispaniae cathedralibus, respectivas distributiones quotidianas percipere quibusdam vacationum diebus, seu recessit, quorum numerus Sanctitati ac Benignitati Vestrae determinandus fiducialiter relinquunt. »

Preces Episcopo statim missae fuerunt u t , audito capi- tulo, suetam informationem et votum S. G. transmitteret; at ob varias vicissitudines politicas diu absque informatione