OXOMEN. 34 9

manserunt. Cum vero anno nuper elapso Vicarius Generalis, de mandato Episcopi infirmi atque absentis, scribere satage- ret: « Attenta bona fide, quacum canonici et beneficiati, ut ait capitulum, immemorabili consuetudini et capitulari statuto innixi, quotidianas distributiones, vacationum tempore respon- dentes, retinuerunt: attenta etiam difficultate ad illarum restitutionem faciendam, tam ex parte haeredum illorum, qui ex hac vita decesserunt, quam ex parte beneficiatorum ob exiguos reditus, quos percipiunt, et gravitatem annonae et ha- bitationis in hac villa; mihi videtur dignum esse capitulum, ut ipsi sanationis gratia, quam petit, pro praeterito conce- datur; et in posterum, dictis etiam attentis, attentaque aeris intemperie huius plagae satis frigidae, pariter mihi dignum videtur, ut illi ex benignitate Apostolica aliquod saltem va- cationum tempus, seu dies bonos, ut vocant, concedatur, in quibus quotidianas distributiones non amittant. Attamen quas amittunt absentes, seu choro omnibus horis canonicis non assistentes, mihi videtur illas fabricae Ecclesiae, si indigeat, vel alio pio loco ad arbitrium Ordinarii iuxta mentem Con- cilii, applicari debere; exceptis, si forte quae ad beneficiatus pertinent, qui quidem ob exiguos reditus, quos ex suis bene- ficiis percipiunt, dispensatione Apostolica digni sunt ut choro praesentes lucrari possint quotidianas distributiones, quas amit- tunt alii beneficiati absentes. » Huiusmodi precibus die 4 Fe- bruarii 1893 rescriptum fuit: « Attentis etc. pro gratia sa- nalionis quoad praeteritum ; quo vero ad futurum pro gratia percipiendi distributiones tantum durante medietate temporis vacationis arbitrio et conscientia Ordinarii per decennium. »

Nuperrime vero cum iidem Capitulares preces, commen- datas a Vicario capitulari, qui habet: « Vera sunt omnia exposita a capitulo, ideoque suas preces Sanctitati Vestrae humiliter commendamus », instantius itérassent ad gratiam non amittendi quotidianas distributiones toto recreationis tem- pore impetrandam, Emorum Patrum iudicio res commissa fuit.