OXOMEN. 353

n. 175; et S. C. O. in Ipporegien. Servita chori 20 Mar- tii 1830 ; et in Ravennaten. Distributionum 20 Septem- bris 1879; etc.

Atque eadem ratione inutilis apparet appellatio ad consue- tudinem, quia in casu nostro S. Tridentina Synodus in cit. cap. dum statuit distributiones ab interessentibus lucrari de- bere, quamcumque contrariam consuetudinem reprobavit ac damnavit. Quae clausula quanti valeat, praesertim post Con- stitutionem Principis Apost, a Pio IV editam, ad infirman- das consuetudines, tum quae Statutis Tridentinis antevene- runt, tum quae subsecutae sunt , neminem profecto latet. Cfr. De Luca De can. et cap. discept. 33, n. 3. Hanc autem sententiam indubitanter amplectendam esse suadet con- stantissima S. C. C. praxis, quae iugiter tenuit absentes causa vacationum a Concilio Tridentino permissarum amit- tere distributiones quotidianas , non obstante quacumque consuetudine etiam immemorabili, ut in Pisauren. 14 Iu- nii 1670; in Civitaten. Octobris 1587. Unde in iure planum est consuetudinem de qua quaestio, ut corruptelam haberi, quae temporis decursu convalidari minime potest. In facto autem, seu in peculiari casu de quo agimus, qualis aesti- manda sit, docet non suspscta Episcopi Oxomensis auctori- tas, qui capitularibus praecepit: « ad Sedem Apostolicam esse recurrendum pro sanatione impetranda eorum, quae re- troactis temporibus hac in re acta sunt ».

Inepte vero prorsus ad indultum apostolicum in themate confugeretur, quod esset concludenter, non vero per illatio- nes probandum.

Praeterea in themate sufficientem necessitatis causam, si beneficiatus demas, forsan existere haud videretur. Re sane vera Gubernator ecclesiasticus in sua relatione scribit: « re- ditus praebendarum choralium, quos post novissimum Con- cordatum 1851 solvit Gubernium sequentes esse: quatuor millia et quingentas libellas (pesetas) per annum percipere debet decanus ; tria millia et quingentas libellas singuli qua- tuor dignitates et quatuor canonici de officio dicti; tria millia

Acta, Tom. XXVI. fase. COCYI. 23