355

VARSAVIEN, S E U LUBLINEN.

D I S P E N S A T I O N I S M A T R I M O N I I

Die 15 Iulii 1893.

Sess. 24 cap. 1 de Reform.

C O M P E N D I U M F A C T I . Die 5 Octobris 1889, in ecclesia Pili- ohoviensi Plocensis dioecesis, nuptias inibant Angela Grorecka 21 annum vix attingens et Valentinus Bialosuknia 38 annos natus. Infelicem at vero exitum huiusmodi nuptiae sortitae fuerunt. Quandoquidem Angela, quae patris precibus ac minis fracta videtur duxisse Valentinum, quem aversabatur, vix qua- tuor diebus cum illo commorata, paternam domum repetiit, quin, si ipsam audias, matrimonium fuerit consummatum.

Paucis elapsis mensibus, Angela Varsaviae tunc perma- nens, illam Curiam adiit, ut attenta delegatione Ordinarii Lublinensis , in qua dioecesi vir versabatur , inquisitionem institueret ad probandum suum matrimonium consummatum minime fuisse, ut deinde a matrimonio tantum rato dispen- sationem obtinere posset. Archiepiscopus primum sategit spon- sos ad mutuam concordiam revocare; verum cum prudens eius consilium in irritum cessisset, muliere praesertim, et gravibus profecto de causis, repugnante, tunc iudicium insti- tutum est.

Percontata est mulier et septima eius manus, vir quoque interrogatus; sed cum deinde in Curia sisti renuisset, con- tumax renuntiatus fuit. Testes mulieris causam separationis sponsorum exortis dissidiis assignarunt, eo quod illa nupserit invita, et inhonestam agendi rationem viri erga se perferre noluerit; omnes tamen religionem, pietatem ac veracitatem actricis commendant. Peracta subinde est corporalis mulieris inspectio per tres obstetrices , matrona adstante , adhibito balneo aquae tepentis , et exquisitum quoque fuit duorum medicorum votum ; omnesque absque haesitantia de illius vir- ginitate inconsummationeque matrimonii sententiam tulerunt.