358 VARSAVIEN. SEU LUBLINEN.

vero hanc adstruo praesentia hymenis intacti cum parvo ostio atque absentia quorumvis vitiorum organicorum in actrice. »

Itaque quinque in arte periti, subdit patronus, iudicium certum et absolutum ediderant de mulieris virginitate, com- paratione instituta inter mulierem virginem et defloratam, ac perpensis colore, conniventia et comparatione partium, ac praesertim hymenis integritate et absentia vestigiorum, quae profecto extitissent, si hymen aliqua in parte confractus fuisset. Cum autem huiusmodi quaestiones pendeant ex facto, quod a peritis in arte cognoscitur, idcirco, observat, S. C. C. prudentissime praescribere, hoc probationis medium, praemisso iuramento aliisque cautelis, adhibendum fore. Ubi vero haec executioni demandata fuerint , uti factum est in themate, sponte consequi ait, peritis in arte tuto fidem adhibendam. Ideoque, concludit, ex iurato testimonio quinque peritorum, absque ullo dubio tenendum actricem integerrima virginitate adhuc donari, et proinde matrimonium non fuisse consum- matum.

Ad alterum caput gradum faciens animadvertit, praeter ordinarias causas aliam peculiarem in casu verificari, gra- vissimum nempe dubium coactionis mulieri illatae.

Metum ac vim adhibitam reapse fuisse, imprimis probari contendit actricis testimonio aientis : « Coactionem hanc re- puto gravem, quippe quae adeo fregerit meam libertatem, ut ad nuptias irem plane invita ac mei ipsius impos. Immediate ante nuptias aiebam patri - sponsum a me non redamari,. mihique esse ingratum, imo prorsus odiosum -; pater tamen preces meas sprevit, sponsoque nubere imperiose iussit adie- citque : - Veneno inficis meam senectutem atque etiam in tumulo quietem meam perturbas Biduo ante nuptias volui me in lectum recipere, ut hoc modo differrem terminum con- nubii, ac deinceps memet a coniugio penitus extricarem. Pa- rentes tamen non permiserunt id quod confirmabant citati modo testes. »

Mulieris depositionem, quae certo suo pondere minime carere tuetur orator, confirmant plures alii testes. Sane pa-