VARSAVIEN. SEU LUBLINEN. 359

ter ait: « Ipse cogebam filiam ad nubendum Valentino Bia- losuknia. Usus sum ad hunc finem persuasionibus , minis, denegatione benedictionis paternae, si alii nubere intendit. » Luszczewski deponit : «Actrix nupsit marito invita, id quod colligo ex eius Voto alteri cuidam nubendi ; quare me quoque rogaverat, ut intercederem patri, quatenus ei permitteret huic alteri nubere. » Lucina Kosinska Sophiae germana testatur : « Tribus ante nuptias diebus soror fuit apud me (eram iam coniugata), atque lacrimabunda obsecrabat ut adirem parentes atque persuaderem, ne ipsam ad nubendum cogèrent. » Qui- bus concinere, dicit, actricis matrem, Vladislaum Podczaski, Adamum et Antonium Kosinski.

Hisce de illa coactione depositionibus adductis, adnotat, nihili faciendam denegationem viri , qui nec unum testem produxit, et contumax a iudice declaratus fuit.

Quod si huiusmodi coactio nequit adduci in hoc actorum statu ad matrimonii nullitatem petendam , ostensa tamen matrimonii inconsummatione, uti causa gravissima pro dis- pensatione impertienda retinenda est.

Sed nec aliae causae iustae ac graves desunt. Sane ex illa coactione secutam esse dicit tantam mulieris aversionem erga virum, ut nulla prorsus spes affulgeat pacis inter illos conciliandae. Id nedum fatetur actrix, sed ipsemet Archie- piscopus , qui illius petitionem commendans addit : « quod coniuges mutuum foveant fastidium atque tantam aversio- nem , ut cohabitationi inter eos restituendae nullus omnino sit locus. » Quam animorum discordiam, uti iustam causam ad dispensandum, retinendam fore tradunt Ursaia, discept. 21, n. 76 et 77, tom. 3 ; Fagnanus in cap. Quia circa 6 De consan. et affin, n. 7; Corrad. in Praxi dispens, lib. 8, cap. 7, n. 3, aliique plures, quam DD. sententiam S. C. O. praxi confirmari dicit.

Alia accedit gravis dispensationis causa, ex periculo in- continentiae. Actrix enim in fiorenti aetate adhuc versatur, et vir certe non est provectus. Huiusmodi causam mulier adducit in supplici libello, et etiam Archiepiscopus dispen-