VARSAVIEN. SEU LUBLINEN. 361

est. Causam opinor esse, quod maritus, quantum intelligere possum, non valuerit rem peragere- forsitan succubuissem copulae, sed maritus id perficere non potuit. »

Ceterum absque scrupulis Angelam veritati contraire, iuxta vinculi adsertorem, exploratissimum est. Nam, recolit, in libello ad Ordinarium Lublinensem dato ipsa affirmat : « Matrimonium meum benedictum fuit die 5 Octobris 1889... Altero die exii cum matre ex habitaculo mariti , nec am- plius idem repetivi » ; dum contra notorium est sponsos con- vixisse sin minus quatuor dies, quod apparere censet et ex iurata Adami Kosinski depositione, nec non Valentini aientis « Sub eodem tecto cum uxore vixi in Philichowo per tri- duum, Varsaviae autem in diversorio Hotel Krakouvski bi- duum ». Hinc, prosequitur defensor, et ipsa Angela coram Archiepiscopo Varsaviensi profiteri adacta fuit : « Vix qua- tuor diebus cum eodem (Valentino) commorata, eumdem de- reliqui, quin matrimonium consummaretur >.

Neque septimae manus testimonium maioris ponderis esse vinculi defensor putat ; etenim ne unus quidem testis ex la- tere viri excussus est, contra S. C. C. praeceptum datum in Instructione diei 22 Augusti 1840, - ibi - « Procedendum erit ad examen septimae manus, hoc est septem propinquo- rum ex utroque latere ad formam textus » in cai). Litterae vestrae de frigid, et mal cf.

Quibus praemissis , contendit hoc ex astutia artibusque Angelae evenisse. Etenim cum probe sciret Lublini non Var- saviae commorari testes , qui septimam manum ex latere Valentini conflare poterant, nec sine magno inducentis dis- pendio eos Varsaviae ad examen adduci posse , proindeque Valentinum, ut sumptibus parceret, eos minime adducturum fuisse, expoposcit ut inquisitio non Lublini, sed Varsaviae fieret non obstante domicilio mariti in Lublinensi dioecesi. Re sane vera, subdit patronus, Valentinus, qui iura sua pro- culcata vidit per delegationem inquisitionis conficiendae ab Administratore dioecesis Lublinensis, ipso inaudito, ad iudi- cem Varsaviae factam, testes inducere recusavit.