VARSAVIEN. SEU LUBLINEN. 363

Re sane vera Angela testatur : « Biduo ante nuptias dixi sponso, me nullo erga eum ferri affectu rogareque ut mihi renuntiaret. Bialosuknia excepit hoc per modum ioci. »

Item Valentinus idem factum enarrat hisce verbis: « Pr i - die nuptiarum uxor dixerat mihi : Re maturius perpensa, video te minus a me amari , quam quod conveniat uxori : - Ad haec ego respondi : Delibera, adhuc superest tempus : Mox prodiit ad me dixitque : Haec ego minime ex sententia animi dixeram, sed dumtaxat ut perspicerem num me ama- res. - Tribus diebus post nuptias dixerat mihi, se nupsisse mihi coactam a parentibus, nec ullo erga me affectu teneri. Facta quae évincèrent uxorem ad nubendum mihi fuisse coa- ctam, nulla unquam deprehendi. Quod si quidem observassem, vel fando percepissem, nullo profecto pacto eam uxorem duxissem. »

Tandem matrimonii defensor monet, Valentinum non modo metum exclusisse, sed etiam veram causam ob quam Angela viro valedixit, designasse hisce verbis : « in mea sen- tentia uxor me dereliquit ideo , quod parentes intellexerunt spem suam de mea opulentia deceptam esse. »

Valentino autem prae Angela fidem esse adiiciendam, putat , vel ex eo quod Angela, data opera, praepedivit ne septima manu ex latere viri innotesceret an et quatenus ille fidem mereatur.

Hisce itaque hinc inde perpensis, propositum fuit sequens dirimendum

D u b i u m

An consulendam sit SSmo pro dispensatione a matri- monio rato et non consummato in casu.

R E S O L U T I O . Sacra Congr. Concilii re disceptata sub die 15 Iulii 1893, censuit respondere : Affirmative.