380 APPENDIX IV.

R. . . . Ad 2. Affirmative pro Canadae regionibus ad quas extensa est Benedictina declaratio. Iam enim supra monuimus neque aetatem minorem, neque parentum dissensum dirimere matrimonium, quod nec de catholicis solum, sed de ipsis etiam protestantibus volumus intel- lectum, cum haeretici quoque sacris Ecclesiae legibus teneantur, nec, in iis praesertim quae attinent ad Sacramenta, saeculares leges Ecclesiae sanctionibus ullo possint esse detrimento. Deficientia tandem parochi in casu expresso nonnisi clandestinitatem parit, quae in illis locis in quibus vim habet Benedictina declaratio haud irritat matrimonia haereticorum. Cum vero, ut idem fert Benedictus XIV in Opere de Syn. Dioec , in matrimoniis mixtis pars libera et immunis a lege, eamdem immu- nitatem cum altera parte communicare censeatur, sequitur profecto clandestinitatem non obstare mixtis matrimoniis in Canadae regionibus contractis.

Ad 3. Est validum pro Canadae regionibus : inibi enim viget Be- nedictina declaratio, quae valida declarat ea matrimonia quae clande- stine ab haereticis contrahuntur.

Ad 4. Validum pro Canadae regionibus ob saepius laudatam Be- nedictinam declarationem ad ea loca extensam. Hoc patet ex dictis in solutione ad dubium 2. Praestat vero hic pro maiori claritate verba referre eiusdem Benedicti XIV. Lib. 6. Cap. 6 de Syn. Dioeces, sic exarata : « Cum coniugum alter, cum ratione loci in quo habitat, tum » ratione societatis in qua vivit, exemptas sit a Tridentinae Synodi lege, » exemptio, qua ipse fruitur, alteri parti communicata remanet propter » individuitatem contractus, vi cuius exemptio, quae uni ex partibus » competit, ad alteram secundum etiam civiles leges extenditur eidem- » que communicatur ». Quae verba, ut videre est, tam sunt clara et aperta ut nullum relinquant dubitationi locum super validitate istius- modi matrimonii.

Ad 5. Primum matrimonium est validum pro iis dioecesis Quebe- censis incolis qui missionariis tantum utuntur. Sacra enim C. de Prop. Fide anno 1820 decrevit: « Pro incolis dioecesis Quebecensis, qui missio- » nariis tantum et donec utuntur, non esse locum Decreto Concilii Tri- » dentini Tametsi, nullo habito respectu maioris vel minoris distantiae ; » et missionarii curent referre matrimonia celebrata in eorum regestu » Ordinario respectivo tradendo : » quibus ex verbis patet incolas prae- dictos matrimonia inire posse, nec parocho nec testibus ullis, quum utraque obligatio ex eodem proveniat Tridentino Decreto Tametsi, cui locum non esse declaravit praelaudata Congregatio. Secus vero de iis incolis affirmandum est, qui in locis habitant ubi sunt paroeciae con-