APPENDIX IV. 383

S. C. S. Officii 17 Novembris 1835. - Ep. Quebecen.

Dubium de matrimonio contracto a minoribus, invitis parentibus.

Quaeritur sitne validum matrimonium a duobus catholicis natu mi- noribus secundum formas ab Ecclesia praescriptas contractum, sed ta- men invitis parentibus.

R. Affirmative ; nec enim dissensus parentum aut aetas minor inter impedimenta matrimonium dirimentia ullo possunt modo nostris hisce temporibus recenseri. Leges caesareas et iussa Principum huic adversa sententiae non moramur; illa namque aut de civilibus tantum effecti- bus sunt intelligenda, sicut de edicto Henrici III Regis Christianissimi a Ludovico XIII confirmato sentiunt praestantes viri Loretus in pari- siensi senatu Consiliarius, Hubertus Episcopus Vabriensis, Cabassutius, Gerbasius, Natalis Alexander aliique; aut, quum id statuant quod limites praetergreditur saecularis potestatis, sunt omnino reiicienda. Circa ea quae ad rationem pertinent Sacramentorum non Principibus saeculari- bus, sed soli Ecclesiae plena est definiendi potestas. Ea vero non so- lum in cap. Licet et in cap. Tua, De sponsa duorum, eiusmodi matri-

monia rata habuit et declaravit, verum et Tridenti in Spiritu Sancto legitime congregata eos anathemate percussit qui falso affirmant matri- monia a filiisfamilias sine consensu parentum contracta irrita esse, et

R. Quoad matrimonia valida, ad Sacramenta percipienda posse ad- mitti sine praevia renovatione consensus, sed ab iisdem percipiendis arcendos, donec vera dederint resipiscentiae signa, et promiserint se curaturos totis viribus tam conversionem partis haereticae, quam edu- cationem in religione catholica prolis universae natae et forsan nasci- turae; et tandem donec obtinuerint absolutionem a censuris incursis una cum poenitentiis salutaribus, casu quo contraxerint coram ministro haeretico.

Quoad vero matrimonia invalida, cum sit nullum eorum matrimo- nium vitio clandestinitatis, non esse admittendos ad receptionem Sa- cramentorum nisi prius promiserint post impetratam dispensationem super impedimento mixtae religionis, se fideliter exequuturos eas omnes conditiones, quae exiguntur in praefata dispensatione, et dein nisi consensum renovaverat coram catholico parocho et duobus testibus, et tandem nisi obtinuerint prius absolutionem a censuris incursis una cum poenitentiis salutaribus, casu quo matrimonium attentaverint co- ram ministro acatholico.