388 APPENDIX IV.

S. C. S. Officii 26 Septembris 1754. - Dubia circa dispensationem impedimentorum*.

Circa quinque dubia proposita ab Archiepiscopo Turonènsi in Gallia,, et a S. G. de Propaganda Fide ad S. Officium remissa tenoris videlicet t

1. Henricus Maria de Fleury Archiepiscopus Turonensis in Gallia nullam dispensationem circa impedimenta matrimonium dirimentia con- cedere potest, nisi ex speciali Sedis Apostolicae indulto, quo ipsi po- testas data est dispensandi cum pauperibus tantum ; quaerit an cum iis solis pauperibus dispensare valeat, qui adeo miserabiles existunt, ut labore manuum, et industria tantum vivant.

2. Ex hypothesi, quod cum iis dumtaxat pauperibus dispensare possit, quaeritur an dispensationes huiusmodi ipsis concedere queat pro causis dumtaxat infamantibus, seu inhonestis, etiamsi alii plures Epi- scopi iisdem circumstantiis easdem dispensationes pro causa qualibet honesta largiantur. Ratio dubitandi, quod Summus ipse Pontifex, a quo specialem hanc facultatem obtinent, nonnisi pro causa inhonesta cum talibus pauperibus ordinario saltem dispensat.

3. Si praefatus Archiepiscopus dispensare valeat pro causa etiam honesta, potestne dispensare pro iis dumtaxat causis honestis pro quibus ipsa dispensat Apostolica Sedes, an pro aliis quoque similibus? Sic exempli causa Summus Pontifex super impedimento consanguinitatis, seu affinitatis, dispensat cum puella quae alii viro propter angustiam loci, vel ob defectum dotis nubere non posset; possetne etiam dictus Archiepiscopus super eodem affinitatis, aut cognationis, sive carnalis sive spiritualis impedimento dispensare cum puella, quae alii viro non- nisi difficulter nubere queat sive ob causas memoratas, sive quia gib- bosa est, clauda, vel alias deformis, sive etiam quia aliquis ex ipsius consanguineis in 1, 2 et 3 aut 4 gradu publica infamia per sententiam iudicis notatus fuisset, aut capitali poena damnatus?

4. Debetne Archiepiscopus ab iis quibuscum dispensat pro causa sive turpi, sive honesta exigere non solum easdem causas, sed easdem etiam circumstantias, aut conditiones, quas in similium dispensationum largitione Summus Pontifex exigere solet?

5. Pontificio indulto, quod dictus Archiepiscopus obtinuit, datur ipsi facultas dispensandi in 3 et 4 consanguinitatis vel affinitatis gradu simplici et mixto; potestne vi huius facultatis dispensare in secundo gradu ad tert ium?

R. Placuit SSmo D. N., auditis Consultorum et Cardinalium suffra- giis, ad quintum dubium rescribere: Negative; ad quatuor vero priora iubere, ut significaretur quomodo Sedes ipsa Apostolica se gerere soleat