390 APPENDIX IV.

loco, in quo orti sunt seu in locis, in quibus ipsi orti sunt, etiam de uno ad alium se transferendo, propter illorum angustiam, virum sibi non consanguineum vel affinem paris conditionis, cui nubere possit, in- venire nequeat.

5. Pro indotata: ex quo mulier indotata existat, nec habeat ra- tionem unde dotari possit, et vir illam sic indotatam in uxorem du- cere , ac usque ad quantitatem secundum dictae mulieris qualitatem competenter ex integro dotare intendat : apponitur tamen decreto: Et postquam dicta mulier competenter ex integro dotata fuit, ut praefertur.

6. Ob inimicitias: explicatur haec causa sequentibus verbis: quod cum inter viri et mulieris parentes, consanguineos, vel affines, graves inimicitiae ortae iam sint, et ad praesens vigeant, aliunde tamen, quam ex causa matrimonii inter ipsos contrahendi provenientes, et ante illius tractatum exortae; et certum sit, quod si vir, et mulier praefati invi- cem matrimonialiter copularentur, inimicitiae huiusmodi omnino com- ponerentur ; pro illis igitur componendis ac pro bono pacis cupiunt invicem matrimonialiter copulari.

7. Pro confirmatione pacis: Causa haec ita explicatur: quod cum inter virum, et mulierem, nec non eorum parentes, consanguineos vel affines, graves inimicitiae viguerint, aliunde tamen quam ex causa ma- trimonii inter virum et mulierem praefatos contrahendi provenientes et ante illius tractatum exortae, et licet pax de recenti inita fuerit; ni- hilominus pro illius confirmatione cupiunt matrimonialiter copulari.

8. Ob lites: quia nempe cum inter virum et mul ierem, seu eo- rum parentes graves lites saper rebus magni momenti ortae iam sint, et ad praesens vigeant, aliunde tamen quam ex causa matrimonii inter ipsos contrahendi provenientes, ante illius tractatum exortae, et certum sit, quod si vir et mulier praefati invicem copularentur, lites huius- modi omnino componerentur, pro illis igitur componendis, ac pro bono pacis cupiunt etc. Hac tamen expressa conditione: et facta prius li- tium huiusmodi hinc inde cessione, seu illarum compositione.

9. Ob haeresim: Quod ipsi qui orthodoxae fidei cultores vere exi- stunt, et sub obedientia S. R. E. vivunt, et vivere et mori intendunt, et in illis partibus, in quibus multi adsunt haeretici, non possint sin- gulorum animos explorare, et qui catholicam religionem vere profitentur internoscere, ac propterea ne contingat eos cum haereticis matrimo- nium contrahere, cupiunt etc., addita tamen clausula : Et dummodo vir et mulier praefati orthodoxae fidei cultores vere existant, et sub obedientia.

S, R. E. vivant, vivereque et mori intendant.