CONGREGATIONIS PASSIONIS D. N. I. C. 399

ut dubium omne removeat, loca specialia adnotare consue- scit, quae obligare intendit, ut alia ab obligatione imposita, loco determinato, tacite eximat. Ipsa Decreta Urbani VIII ab Innocentio XII renovata exemplum evidentissimum exhi- bent. In iis enim praescribitur quot religiosi Conventum vel Monasterium debeant habitare: quae praescriptio prius affi- ciebat tantum Italiam et Insulas adiacentes, quae postea ex. nova declaratione, ad exteras nationes fuit extensa. Ast nova haec declaratio necessaria non erat, si in decreto prius edito universalis locutio occurreret, non restrictiva. Nulla ergo restrictio, nullaque coarctatio est agnoscenda in Constitutio- nibus Apostolicis, nisi expressa sit : et consequenter quaevis Constitutio universaliter lata praesumitur, et omnes omnino adstringit, quoties restrictio illa non legitur, sed desideratur. Porro ut legenti fit palam, nulla expressio occurrit, nullum- que legitur verbum in Constitutione Innocentiana de cele- bratione Missarum, quae Italiam Insulasque adiacentes tan- tummodo afficere velit, alias vero nationes eximere. Hoc in loco valet illud adagium, legislator quod voluit expressit, quod noluit non expressit. Si voluisset, profecto verbum re- strictivum occurreret, quod ita non est. Quid ergo ? Si uni- versaliter loquitur, omnes voluit obligare, nullum eximere.

Argumento allato sequens adiicere liceat, quod alicuius roboris esse mihi videtur. Decretum Urbani VIII Cum saepe et Constitutio Nuper illud decretum renovans, novoque ro- bore firmans, tantae gravitatis sunt, ut in hac materia Epi- scoporum oculis obversari continuo debeant: nihil enim in illis occurrit, quod leve sit, et veluti inutile praeteriri pos- sit. (Lucidi De Visit. SS. L. 1. p. pag. 394). Etenim or- dinantur ad removendum incommodum, quod gravissimum esse nemo negare potest, et duo decreta verbis apertissimis confitentur. Neque enim duo Pontifices decreta edidissent de celebratione Missarum, poenas gravissimas comminando in eos qui huic oneri satisfacere negligunt, si de levi re age- retur. Porro incommodum ad quod eliminandum uterque Pontifex adlaboravit, afficiebatne, unam Italiam et Insulas