402 CONGREGATIONIS PASSIONIS D. N. I. C.

in loco ex consuetudine observatur, habebitur ut promulga- tum, ceu frequentissime Congregatio Concilii determinavit atque sancivit. Quid ergo prohibet, quominus dispositio illa in casu proposito verificetur, eo magis quia Concilium tot adiuncta optavit ut caput Tametsi obligationem induceret, quae pro aliis legibus non sunt necessaria? Unde aut Con- stitutio Innocentiana inter leges est recensita quae Congre- gationem piissimam moderantur, aut saltem fuit semper pra- ctice observata.

RESOLUTIO SECUNDA

Capitulum Provinciale ob suffragium latum ab eo qui privabatur voce activa et passiva

non absolute sed ex adiunctis decernendum est validum vel invalidum.

Si Constitutio Innocentiana etiam nationes exteras affi- cit, videndum nunc est, an Capitulum Provinciale, cui in- terfuit vocalis quidam, qui attestationem de peracta celebra- tione Missarum exhibere omisit, licet ex oblivione, validum fuerit, vel invalidum. Et quidem Constitutio laudata privat voce activa et passiva omnes, dictam attestationem non ex- hibentes, et puto, quovis modo haec omissio evenerit ; sive ex oblivione, sive ex mala fide, seu malitiose. In ea enim legitur : quicunque superiores locales. . . . . . vocem acti- vam seu passivam in memoratis capitulis, seu congregatio- nibus omnino habere non valeant. Privantur itaque primo, ipso iure, utraque voce, et inhabiles declarantur ita ut nec ferre suffragium, nec eligi possunt. Vox enim omnino eam- dem habet significationem, ac alia ipso iure, ipso facto absque ulla declaratione. Lex enim poenarum protinus inflictiva quae solet exprimi et declarari per lias particulas eo ipso modo aequipolienti exprimitur per adverbia, omnino, penitus, statim. (Donati Laynensis Rerum Reg. praxis resolutoria Tract. I. qu. 33, num. 4). Privantur itaque utraque voce apertissimis verbis, neque ullus remanet effugii locus.

Neque secundo ab hac privatione excusat oblivio, tum quia exceptio haec in Constitutione non legitur, et ubi lex non distinguit, neque nos distinguere debemus : tum quia