BARCINONEN.

407

NULLITATIS MATRIMONII

Die 6 Maii et 16 Decembris 1893.

Sess. 21 c. 5 De reform, matr.

COMPENDIUM FACTI. Emmanuel Dorda y Olivella, Barci- nonensis origine, anno 1 8 8 1 studiis operam navans, a qua- tuor et amplius annis Graciae morabatur in domo Rosendi de Puiguriguer y Par. Huic postremo erat filia Carmela nomine, cuius amore ita exarsit adolescens, ut ex indebito contubernio illegitimos tres ex ea procrea veri t filios, quorum duo mares patri praemortui sunt, femina vero adhuc superest.

Emmanuel interim in gravem morbum incidit, et parochum paroeciae suae, Iosephum Gatell advocari oportuit, ut aegro sacramenta administraret. Hic infirmum paratissimum ad sacramenta suscipienda et matrimonium contrahendum, ut bonae famae honorique Carmelae et filiae consuleret, invenit. At ob instantissimum mortis periculum, quum tempus de- esset ad consuetas formalitates adimplendas et testium decla- rationes scriptas accipiendas, parochus animadvertens contra- hentes omnia requisita necessaria ad matrimonium contra- hendum habere et utrumque ad suam paroeciam pertinere ; mulierem insuper frui paterno consensu, pro sponso autem haberi non posse, cum eius pater iam mortuus esset et mater abesset; certior factus, praesertim a sponsae patre, contra- hentes nullo consanguinitatis gradu ligatos esse, coram testibus matrimonium celebravit. Administratis postea morienti poeni- tentiae, eucharistiae et extremae unctionis sacramentis pa- rochus sine mora processio ad descriptionem actus, mittendi ad auctoritatem pro approbatione. Sed admiratus ob paritatem cognomen ti paterni contrahentis, et materni ex avo paterno sponsae, coactus est denuo requirere num consanguinitas inter contrahentes existeret, sed semper ei responsum est , non esse consanguineos in gradu quo nuptiae prohibitae sunt.