BARCINONEN. 413

PRO VALIDITATE MATRIMONII. Verum contra haec in pri- mis, observari posset, bonam fidem, quasi dirimens de quo agitur impedimentum ignorassent, nedum in contrahentibus, sed et in Oarmelae parentibus admitti debere. Nullus enim profecto competentior testis de hac Emmanuelis bona fide quam parochus Gatell, qui morientis confessionem recepit, eique sacramenta administra vit, in medium proferri potest. Eo vel magis quod Emmanuel ad matrimonium contrahen- dum minime a Carmelae parentibus adigebatur, sed tantum aequissimis parochi suasionibus, qui illum Deo reconciliari cupiebat. Ceterum cum in themate non de rudibus personis agatur, ut Rosae patronus monebat, haud facile admitten- dum videretur, illos ignorasse, matrimonium inter consan- guineos absque dispensatione initum nullitate laborare, pro- indeque Emmanuelem ad parochum decipiendum cum animae suae damno, in extremo agone constitutum impedimenti exi- stentiam reticuisse. Quam hypothesim haud profecto veritati consonam reddit anteacta Emmanuelis vivendi ratio, ita ut illi aptari possit adagium « qualis vita, finis ita ». Etenim qui venit in mundum, ut salvetur mundus per ipsum, quique a cruce pendens paradisum latroni adpromisit, optime potuit cor Emmanuelis in extremo puncto ad se convertere, ac re- vera convertisse ex parochi narratione tenendum est.

Ac revera intelligi nequit, quomodo Carmela, cui maxime intererat honori suo consulere, et filiae ab Emmanuele susceptae legitimitatis iura et haereditatem acquirere, sciens matrimonium nullum contraxerit, seseque ita futuris quae- stionibus, quas, attenta Rosae indole, optime praevidere pot- erat, libens occurrerit.

His accedunt plurium testium depositiones, quae rem omnino conficere videntur. Ex his vero pauca tantum deli- bare sufficiat. Praeter ea quae Carmela eiusque parentes pro- fessi sunt, asserentes se quidem in gradu valde remoto con- trahentium avos consanguinitate ligari cognovisse, at putasse consanguinitatem in gradu, nuptias prohibente, non amplius existere, adest quatuor testium coram iudice emissa decla-