414 BARCINONEN.

ratio, quae ignorantiam impedimenti ex parte Emmanuelis, Carmelae et eius parentum tamquam certam habendam esse renuntiat.

Relate ad alterum controversiae punctum, videlicet, in casu necessariam dispensationem ad valide contrahendum reapse intercessisse, ante omnia commemorare praestat, com- munem Doctorum sententiam esse quod possit manifestari ad dispensationem obtinendam remotior consanguinitatus gradus, reticendo propinquiorem. Sánchez I. 8, d. 24, n. 28; Pont. I. 8, o. 17, n. 26; S. Alphonsus Theol. Moral. I. 6, n. 1136; idque inferunt ex Motu proprio S. Pii V « Sanctissimus » diei 26 Augusti 1566, ubi dictum fuit quod dispensatio sine gradus propinquioris mentione obtenta, nempe si sponsi sint coniuncti in quarto et tertio gradu, de subreptionis vel obre- ptionis vitio notari non possit, obtentis tamen postea litteris declaratoriis super propinquior!. - ibi - « Quae literae declaratoriae ideo fiunt non quia propinquior gradus obstet matrimonio... sed ad tollenda scandala plebis, iura ignorantis, quae putat non esse validam dispensationem factam super solo gradu remotiori, imo credit magis necessariam esse super propinquiori, cum iuxta illius credulitatem maiorem propin- quitatem videatur inducere ». Hinc contra auctores quosdam qui nisi declaratoriae literae intercédèrent, matrimonium in hisce casibus initum nullum fuisse tuebantur, declaravit Be- nedictus XIV Constitutione : « Etsi pastoralis, 30 Septem- bris 1755, matrimonium esse quidem illicitum ast non in- validum, modo propinquitas non sit primi gradus consangui- nitatis vel affinitatis, in quo se dispensare nolle S. Pius V protestatus est. Unde et S. C. matrimonium initum inter principem Saphiebam et Constantiam Radzivil, praevia Summi Pontificis dispensatione super quarto consanguinitatis gradu non esse nullum tenuit, licet contrahentes tertio et quarto gradu inter se essent coniuncti, in Luceorien. Nullitatis ma- trimonii, 28 Martii 1722.

Nequid aliquid facessere videretur quod Vicarii generalis intentio fuerit dispensandi tantum a quarto consanguinitatis