418 BARCINONEN.

longe remoti ores etiam inter propinquos, praesertim cum au- xilio atque favore egemus, recensere in more habemus.

Reque vera, si Emmanuel novisset impedimentum, mater eius, Rosa Olivella illud ignorare minime potuisset.

In oculos insilit sollicita cura,, qua Rosa Olivella, quippe quae nil magis abhorrebat, quam nuptias filii cum Carmela de Puiguriguer, Emmanueli matrem urgenti, ut sibi permit- teret Carmelam uxorem ducere, dirimens consanguinitatis impedimentum obiecisset, si ipsa vel levissimam hac de re suspicionem haberet.

Ad ea gradiendum est, quae Rosa Olivella obiicit ut osten- dat malam fidem nedum filii Emmanuelis verum etiam nurus, Carmelae, eiusque parentum. Quem in finem quinque testes inducit, qui iisdem prorsus verbis respondent unusquisque.

Itane licet rationem suae reddere attestationis, seu suae scientiae proferre CAUSAM, quam testes edere debent, ut ea quae ipsi in iudicio renuntiant, in pretio haberi possint ? Praeterea, testes istos flocci facio potissimum quia sero nimis producti sunt. Ad rem Lauren. for. ecclesiast. lib. 2, q. 663, num. 1 : - ibi - « Communis et utroque iure recepta regula est, rite publicatis attestationibus non licere in eadem vel alia instantia producere denuo eosdem vel alios testes. Ratio est tum timor SUBORNATIONIS, tum etiam, quia per publica- tionem attestationum fit renuntiatio ulteriori testium produ- ctioni, vel expresse (prout ea peracto examine ad iudicis interrogationem fieri solet) vel saltem implicite, tacite con- sentiendo in publicationem testium. Intelligenda tamen dicta regula ita ut procedat, si publicatis attestationibus pars didice- rit attestata, hoc est cognoverit ea per se vel per procurato- rem suum. » Nemo profecto inficiabitur Rosam per se vel pro- curatorem suum didicisse attestata, cum iam tum octo inter- cessisset disputationum anni et quatuor prodierint sententiae.

Operae iam pretium est audire quatuor testes tempore utili rite a iudice excussos, qui omnes uno ore responderunt, Dordam novisse suam cognationem cum Carmela tantum in gradu remotissimo.