420 BARCINONEN.

SCANTÜR ». Prosequens autem eadem Rota n. 11 et 12 di- ctae decis. « Reddit rationem, quare unius bona fides suffi- ciat, quia scilicet ignoranti s interest prolem non solum re- spectu alterius successionem esse, et amplius quod si versa- mur in dubio, an adfuerit scientia, vel ignorantia impedimen- t i , IGNORANTIA PRAESUMITUR: imo si in ipso actu quo filius- nascitur, dubitaretur de impedimento, adhuc talis dubitatio non obesset, utpote quae tum temporis ipsimet ignorantiae aequivaleret ».

Si ignorantia incestus facit, ut filii ex damnato coitu orti non incestuosi, sed naturales censeantur, eodem prorsus- modo matrimonium irritum et invalidum legitimos facit li- beros non minus quam matrimonium verum, si ambo vel alter coniugum in bona fide versetur. Redeat eadem Rota cit. decis. 367, num. 9, 10 et 18: « Recte arguit a matri- monio ad concubinatum, ut quemadmodum filii ex matrimo- nio quantumvis nullo, oriuntur LEGITIMI, si uterque vel alter parentum sit in bona fide, cap. Pervenit 11 et cap. Lx tempore, qui filii sint legitimi, ita filii ex concubinatu, quan- tumvis incestuoso suscepti, NATURALES sint et non spurii, si alter ex parentibus cum scientia non concubuerit. Idem ope- ratur matrimonium putativum ac matrimonium verum ».

Sed supervacaneum est his immorari, quia matrimonium, de quo agimus, validum firmumque omnino est : uno enim eodemque ferme actu celebratum est matrimonium, comper- tum est impedimentum et ope dispensationis relaxatum. Rosa autem Olivella non meliori omine, ac bonam Carmelae et Emmanuelis fidem inficiata est, modo valorem dispensationis et matrimonii aggreditur. Paucis singulas obiectiones sive ad- versus dispensationis sive adversus matrimonii valorem ex ad- verso allatas perstringendae sunt.

Praeprimis dispensationem irritam Rosa censet, quia vi- cario generali expositus est quartus tantum consanguinitatis gradus, dum Carmela et Emmanuel ligabantur tertio et quarto consanguinitatis gradu. At Rosam iugulat Pontifex s. Pius V, qui constitutione - Sanctissimus - die 20 martii 1566