4 2 6 NOLANA

Quae quidem rigidiora verba, ac per consequens sacrorum Antistitum vel Capitulorum obligatio quoad praedicti oneris observantiam invigilandi, apprime ex nobilissima iustificantur causa, ob quam praefatus Pontifex antedictae mediae anna- tae solutionem imposuit : ut scilicet per huiusmodi solutiones certi ac necessarii habeantur reditus, quibus manutentioni, conservationi, atque reparationi ecclesiarum cathedralium vel collegiatarum provideri possit. Quod certe consentaneum est sacris canonibus, qui, prouti quisque probe noscit, modis omnibus providere non omiserunt, ne domus Dei propter temporum iniuriam collabi, in peius ruere, minusque decenter retineri contingeret.

Huiusmodi mediae annatae solutio erga cathedralem vel collegiatam ecclesiam adimplenda ad instar est illius, quae, statutis casibus, solvitur Papae in favorem et in subsidium Apostolicae Sedis, nec non ad instar quarumdam aliarum pensionum, quae ad pios usus destinatae fuerunt. Eapropter opportunum optimumque videtur, ut huiusmodi solutiones in vigore permaneant. Atque ita porro censuisse dicendum est S. C. C. quae in Aquilana diei 27 Aprilis 1630, et in Mar- sicana Aprilis 1591 declaravit omnes solutiones, occasione provisionis canonicae fieri solitas, esse conservandas si ad pios usus sint convertendae. Quae quidem decisio dispositioni innititur Tridentini Concilii in Cap. 14, sess. 24 De ref.

Verum, firma semper ac eadem manente huiusmodi obli- gatione, nihil tamen obstare videtur, si in computatione mediae annatae omnes cuiusvis generis expensae prae oculis habeantur. Namque in ipsa Benedicti XIII Bulla dictum est praelevari posse omnes expensas. Ergo, veluti etiam ipsa praxis generatim recepta in similibus casibus indigitat, inter expensas adnumerari posse videntur illae quoque quae di- cuntur vulgo « tasse di successione, e spese di Regio Placet ».

MEDIA ANNATA VIDETUR SOLVENDA NON ESSE. Ast ex alia parte non pauca adsunt rationum momenta, quae contro- versae obligationis cessationem suadere videntur. Primo qui- dem adest consuetudo valde communis in Italia, vi cuius so-